कोल्हापूर :  नुकसानग्रस्त सोयाबीन उत्पादक  शेतकऱ्यांना २०१७ मधील पीकविम्याची भरपाई द्यावी, या मागणीसाठी परभणीमधील शेतकऱ्यांनी कोल्हापुरात बुधवारी (ता. ३) ठिय्या आंदोलन केले.

कोल्हापुरातील जुना सर्किट हाउस येथे महसूलमंत्री चंद्रकांत पाटील यांच्या कार्यालयासमोर शेतकऱ्यांनी मोर्चा काढून ठिय्या मांडला. यावेळी शेतकऱ्यांनी पीक विम्याची रक्कम तत्काळ मिळावी अशी मागणी केली. अखिल भारतीय किसान सभा पीक विमा संघर्ष समितीच्या वतीन हे आंदोलन करण्यात आले आंदोलक जुना सर्किट हाउस इथे येताच शिष्टमंडळाने कार्यालयात उपस्थित असणाऱ्या व्यक्तींना निवेदन देऊन चर्चा करावी, अशी विनंती केली; या विनंती नंतर शेतकऱ्यांनी आपल्या मागण्यांचे निवेदन सादर केले. मंत्री चंद्रकांत पाटील यांनी तातडीने यात लक्ष घालावे, अशी मागणी यावेळी करण्यात आली. आंदोलनात कॉम्रेड विलास बाबर यांच्यासह शेतकऱ्यांनी सहभाग घेतला.