नाशिक  : केंद्र सरकारने कांद्यावरील निर्यातबंदी तत्काळ उठवावी, या मागणीसाठी राज्य कांदा उत्पादक शेतकरी संघटनेचे शिष्टमंडळ विरोधी पक्षनेते देवेंद्र फडणवीस यांच्या भेटीसाठी गेले होते. मात्र शिष्टमंडळास फडणवीस यांच्या कार्यालयाकडून भेट नाकारण्यात  आली.

यावर शिष्टमंडळाने आक्रमक होत त्यांच्या बंगल्यासमोर ठिय्या दिला. त्यानंतर त्यांचे कार्यालय खडबडून जागे झाले अन् त्यानंतर कांदा उत्पादक संघटनेच्या पदाधिकाऱ्यांना फडणवीस यांनी भेट दिल्याची माहिती संघटनेच्या सूत्रांनी दिली. 

कांद्याच्या उत्पादन खर्चावर रास्त दर मिळण्यासाठी निर्यात बंदी तत्काळ मागे घेण्याच्या मागणीसाठी मंगळवारी (ता. १५) मुंबई येथे संघटनेच्या  शिष्टमंडळाने विरोधी पक्षनेते देवेंद्र फडणवीस, राज्यपाल भगतसिंह कोश्यारी यांचे अवर सचिव अजय चौधरी यांना भेटून लेखी पत्र देऊन मागणी केली.