Accelerated pre-planting works in Satara
Accelerated pre-planting works in Satara 
मुख्य बातम्या

साताऱ्यात आले लागवडपूर्व कामांना गती

टीम अॅग्रोवन

सातारा ः जिल्ह्यात अक्षय तृतीयेच्या शुभ मुहूर्तापासून आले लागवडीस प्रारंभ होतो. यामुळे आले लागवडपूर्व कामांना गती आली आहे. मशागत, शेणखत पसरणी आदी कामे सुरू झाली आहेत. मागील सहा महिन्यांपासून दरातील घसरणीमुळे या हंगामात आले पिकांच्या क्षेत्रात घट होणार आहे.

सातारा जिल्ह्यात सुमारे अडीच ते तीन हजार हेक्टर पीक घेतले जाते. यामध्ये सातारा, कोरेगाव, खटाव, कऱ्हाड या तालुक्यांत सर्वाधिक आले लागवड होते. अक्षय तृतीयेच्या मुहूर्तावर आले लागवड करण्याची पद्धत आहे. मात्र मागील चार ते पाच वर्षांत मे महिन्यात तापमान वाढत असल्याने जूनमध्ये लागवड करण्याचा कल वाढला आहे. या वेळी मात्र पूर्वमोसमी पावसाने जिल्ह्याच्या अनेक भागांत दमदार हजेरी लावली आहे. यातून तापमान कमी होण्यास मदत झाली आहे. यामुळे १५ मेनंतर आले लागवड सुरू होण्याची शक्यता आहे.

आले पिकांची ३४ अंश सेल्सिअसच्या आतील तापमानात लागवड केल्यास उगवण चांगली होऊन आले खराब होण्याचा धोका कमी असतो. पूर्वमोसमी पाऊस फायदेशीर ठरत असल्याने सध्या आले लागवडपूर्व कामांना गती आली आहे. यामध्ये शेणखत, मळी, कोंबडी खत टाकणे, नांगरट, रोटर आदी मशागतीची कामे सुरू झाली आहे. जिल्ह्यात कोरोनाच्या पार्श्‍वभूमी कडक निर्बंध असल्याने ठिबक सिंचन, मायक्रो स्प्रिंकलर खरेदी करण्यासाठी शेतकऱ्यांना अडचणींना सामोरे जावे लागत आहेत. डिझेल दरवाढीमुळे मशागतीची कामे महागली आहेत.

मागील वर्षीपासून आले पिकातील दरात मोठ्या प्रमाणात घसरण झाली आहे. सध्या आल्यास प्रति गाडी (५०० किलो) पाच ते सहा हजार रुपये दर मिळत आहे. कोरोनाच्या पार्श्‍वभूमीवर आले पिकांची विक्री करता येत नसल्यामुळे व्यापाऱ्यांकडून आल्याची खरेदी संथ गतीने सुरू आहे. यामुळे दरातही घसरण होत आहे.

२५ ते ३० टक्के घट दरातील घसरण तसेच कोरोनामुळे करावा लागणारा लॉकडाउन या पार्श्‍वभूमीवर शेतकऱ्यांकडून आले बियाण्याची खरेदी कमी झाली आहे. याचा परिणाम आले पिकांच्या क्षेत्रावर होणार आहे. आले पिकांच्या सरासरी क्षेत्रापैकी किमान २५ ते ३० टक्के घट होण्याचा अंदाज तज्ज्ञांकडून व्यक्त केला जात आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Accident Insurance Scheme : अपघात विमा योजनेतून ४५० शेतकरी कुटुंबांना मदत

Banana Sunburn : उन्हाच्या तीव्रतेमुळे जळताहेत केळीची रोपे

Summer Heat : मालेगावात वैशाखाआधीच वणवा

Adulterated Milk : भेसळयुक्त दूध रोखण्यासाठी उपाययोजना कराव्यात

Water Scarcity : कळंबा परिसरात पाण्याचा प्रश्‍न गंभीर

SCROLL FOR NEXT