Hingoli News: हिंगोली जिल्ह्यात हळद लागवड सुरू झाली आहे. यंदा हळदीचे क्षेत्र वाढण्याची शक्यता आहे. परंतु कृषी उत्पन्न बाजार समितीअंतर्गत संत नामदेव हळद मार्केटमध्ये मागील महिनाभरापासून दरात फारशी सुधारणा नसून अद्याप नरमाईच आहे. सोमवारी (ता. १६) हळदीची १८२५ क्विंटल आवक होती. हळदीला प्रति क्विंटल किमान १०५०० ते कमाल १२९०० रुपये तर सरासरी ११७०० रुपये दर मिळाले. हळद दरात क्विंटलमागे १०० ते ४०० रुपयांनी घसरण झाली.

मंगळवारी (ता. १०) हळदीची २०२५ क्विंटल आवक होऊन प्रति क्विंटल किमान १०९५० ते कमाल १२९५० रुपये तर सरासरी ११९५० रुपये दर मिळाले. बुधवारी (ता. ११) हळदीची ११९० क्विंटल आवक होऊन प्रति क्विंटल किमान १०७०० ते कमाल १३२०० रुपये तर सरासरी ११९५० रुपये दर मिळाले. गुरुवारी (ता. १२) हळदीची १९०० क्विंटल आवक असतांना प्रति क्विंटल किमान १०८६० ते कमाल १२८६० रुपये तर सरासरी ११८६० रुपये दर मिळाले.

शुक्रवारी (ता. १३) हळदीची १८०० क्विंटल आवक होउन प्रति क्विंटल किमान १०९०० ते कमाल १३००० रुपये तर सरासरी ११९५० रुपये दर मिळाले. मे महिन्यात ता. १३ ते ता. १७ या कालावधीत हळदीची १८५० ते १९४० क्विंटल आवक होती. त्यावेळी प्रति क्वंटल १०५०० ते १३७०० रुपये दर मिळाले होते.

सोयाबीनचे दर दबावतच

हिंगोली बाजार समितीच्या धान्य बाजारात सोमवारी (ता. १६) सोयाबीनची ४०० क्विंटल आवक होऊन प्रति क्विंटल किमान ३८०० ते कमाल ४३०० रुपये तर सरासरी ४०५० रुपये दर मिळाले. हरभऱ्याची २०० क्विंटल आवक असताना प्रति क्विंटल किमान ४९०० ते कमाल ५४०० रुपये तर सरासरी ५१५० रुपये दर मिळाले. ज्वारीची १९ क्विंटल आवक होऊन प्रति क्विंटल किमान १९०० ते कमाल २४०० रुपये, सरासरी २१५० रुपये दर मिळाले.