Nanded News : नांदेड कृषी उत्पन्न बाजार समितीच्या नवा मोंढा बाजारात सध्या नवीन सोयाबीनची आवक सुरू आहे. बुधवारी (ता. १) या सोयाबीनची १३८७ क्विंटल आवक झाली. यास कमाल ४८९५ रुपये, किमान ४४०० रुपये, तर सरासरी ४७५० रुपये प्रतिक्विंटल दर मिळाल्याची माहिती बाजार समितीच्या सूत्राने दिली.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नांदेड जिल्ह्यात सध्या नवीन सोयाबीन पिकाची काढणी सुरू आहे. यंदा सोयाबीन पिकावर बुरशीजन्य रोग व पावसाचा खंड पडला होता. या निसर्गाच्या अवकृपेमुळे उत्पादनात मोठी घट येत आहे. अनेक भागांत एकरी अडीच ते तीन क्विंटलचा उतारा येत आहे.

सोयाबीनची काढणी केलेले शेतकरी देणे भागविण्यासाठी सोयाबीनची विक्री करत आहेत. नांदेड कृषी उत्पन्न बाजार समितीअंतर्गत असलेल्या नवा मोंढा बाजारात सध्या नवीन सोयाबीनची आवक सुरू आहे.

बुधवारी (ता. १) या सोयाबीनची १३८७ क्विंटल आवक झाली. यास कमाल ४८९५ रुपये, किमान ४४०० रुपये, तर सरासरी ४७५० रुपये प्रतिक्विंटल दर मिळाल्याची माहिती बाजार समितीच्या सूत्राने दिली.