नाशिक: ‘कोरोना’च्या पार्श्वभूमीवर टाळेबंदी लागू झाल्याने प्रामुख्याने शेती क्षेत्र मोठ्या प्रमाणावर अडचणीत आले. या परिस्थितीत ‘टाळेबंदीत शेतकऱ्यांना भेडसावलेल्या समस्या व ‘कोरोना’नंतरची शेतीतील संधी’ या विषयावर क्षेत्रीय पातळीवर के.के.वाघ कृषी व संलग्न महाविद्यालय व सकाळ माध्यम समूहाच्या वतीने सर्व्हेक्षण करण्यात आले. ज्यामध्ये राज्यभरातील प्रयोगशील शेतकऱ्यांची मते जाणून घेण्यात आली. शेतमालावर प्रक्रिया, सामूहिक विपणन व थेट विक्री यातूनच जोखीम कमी होऊ शकते, असा सूर या शेतकऱ्यांमधून व्यक्त झाला.

जिरायती व बागायती अशा दोन्ही प्रकारच्या प्रयोगशील शेतकऱ्यांची मते या सर्व्हेक्षणाच्या माध्यमातून विचारात घेण्यात आली. ‘कोरोना’च्या पार्श्वभूमीवर कोणत्या अडचणी जाणवल्या? त्या सोडविण्यासाठी वैयक्तिक कोणते प्रयत्न केले? ‘कोरोना’नंतर कृषी व संबंधित उद्योगामध्ये संधी कोणत्या? त्यासंबंधी सुविधा उभारणी, मनुष्यबळ, भांडवल उपलब्ध आहे का? यासह कृषी तंत्रज्ञान विस्तारासाठी कोणत्या अपेक्षा आहेत, हे या सर्व्हेक्षणातून जाणून घेण्यात आले.

कृषी, कृषी अभियांत्रिकी, उद्यानविद्या, कृषी जैवतंत्रज्ञान, कृषी व्यवसाय व्यवस्थापन व अन्न तंत्रज्ञान या विद्याशाखांमधील २०० हून अधिक विद्यार्थ्यांनी सर्व्हेक्षणात सहभाग नोंदविला. ज्यामध्ये राज्यातील १४ जिल्ह्यांतून माहिती संकलित करण्यात आली. महाविद्यालयाचे विश्वस्त समीर वाघ यांचे सहकार्य लाभले. समन्वयक डॉ.व्ही.एम.सेवलीकर यांच्या मार्गदर्शनाखाली कृषी व्यवसाय व्यवस्थापन महाविद्यालयाचे प्राचार्य प्रा. प्रवीण जगताप यांनी काम पाहिले.   या घटकांचे झाले नुकसान

  टाळेबंदीत निर्माण झालेल्या समस्या 

‘कोरोना’नंतर शेतकऱ्यांच्या मते या आहेत संधी

शेतकऱ्यांच्या अपेक्षा