Parbhani Chana News : यंदाच्या (२०२२-२३) हंगामात केंद्र शासनाच्या आधारभूत किंमत (एमएसपी) खरेदी योजनेअंतर्गत हमीभावाने (प्रतिक्विंटल ५३३५ रुपये) भारतीय राष्ट्रीय कृषी सहकारी विपणन संघ (नाफेड) वतीने परभणी व हिंगोली जिल्ह्यांत राज्य सहकारी पणन महासंघ (मार्क.फेड.) व विदर्भ सहकारी पणन महासंघ (व्हीसीएफ) अंतर्गत १८ खरेदी केंद्रावर गुरुवार (ता. २५) अखेर १६ हजार ६३५ शेतकऱ्यांचा २ लाख ५९ हजार ६०४ क्विंटल हरभरा खरेदी करण्यात आला.

आजवर एकूण १२ हजार २४१ शेतकऱ्यांना १०५ कोटी ८५ लाख ८६ हजार ७०५ रुपये एवढ्या रकमचे चुकारे अदा करण्यात आले आहेत, अशी माहिती सूत्रांनी दिली.

राज्य सहकारी पणन महासंघ (मार्केटिंग फेडरेशन) अंतर्गत परभणी जिल्ह्यातील ८ केंद्रांवर गुरुवार (ता. २५) अखेर नोंदणीकृत १८ हजार ६९५ पैकी ८ हजार ७६२ शेतकऱ्यांचा १ लाख ३६ हजार ७२५ क्विंटल हरभरा खरेदी करण्यात आला.

या हरभऱ्याची किंमत ७२ कोटी ९४ लाख २९ हजार ६३५ रुपये आहे. हिंगोली जिल्ह्यातील ९ केंद्रांवर नोंदणीकृत ११ हजार ५४ पैकी गुरुवार (ता. २५) अखेर नोंदणीकृत ११ हजार ५४ पैकी ७ हजार ३१५ शेतकऱ्यांचा १ लाख १२ हजार ८४ क्विंटल हरभरा खरेदी करण्यात आला.

या हरभऱ्याची एकूण किंमत ६० कोटी २० लाख ५ हजार २४१ रुपये होते अशी माहिती जिल्हा पणन अधिकारी कुंडलिक शेवाळे यांनी दिली. विदर्भ सहकारी पणन महासंघाच्या गंगाखेड (जि. परभणी) येथील केंद्रावर नोंदणीकृत १ हजार ५८८ शेतकऱ्यांपैकी ५५८ शेतकऱ्यांचा १० हजार ३८ क्विंटल हरभरा खरेदी करण्यात आला आहे, असे जिल्हा व्यवस्थापक भागवत सोळंके यांनी सांगितले.

१०५ कोटी ८५ लाखांवर चुकारे अदा...

पणन महासंघातर्फे परभणी जिल्ह्यातील खरेदी केलेल्यापैकी १ लाख १३ हजार ६५८ क्विंटल हरभरा वखार महामंडळाच्या गोदामात साठविण्यात आला. आजवर एकूण ६ हजार १७४ शेतकऱ्यांना १ लाख ४ हजार ३०० क्विंटल हरभऱ्याचे ५५ कोटी ६४ लाख ४० हजार ५०० रुपयांचे चुकारे अदा करण्यात आहे.

हिंगोली जिल्ह्यातील ९८ हजार १०७ क्विंटल हरभरा वखार महामंडळाच्या गोदामात साठविण्यात आला आहे. आजवर ५ हजार ८१४ शेतकऱ्यांना ८९ हजार ४८७ क्विंटल हरभऱ्याचे ४७ कोटी ७४ लाख १३ हजार १४५ रुपयांचे चुकारे अदा करण्यात आले आहेत.

विदर्भ सहकारी पणन महासंघाच्या गंगाखेड केंद्रांतर्गत २५३ शेतकऱ्यांना २ कोटी ४७ लाख ३३ हजार ६० रुपयांचे चुकारे अदा करण्यात आले आहेत.

हरभरा खरेदी स्थिती (क्विंटलमध्ये)

केंद्राचे नाव- शेतकरी संख्या- हरभरा खरेदी

परभणी - ९७८- १६९१५

जिंतूर - ४९४ - ७३५२

बोरी - १३६५ - २२०१९

सेलू - १०९५ - १६३५३

मानवत- ११३३ - १७०४२

पाथरी - १४७० - २२५३६

सोनपेठ - ९७०- १५५००

पूर्णा - १२५७ - १९००६

गंगाखेड - ५५८- १००३८

हिंगोली - १७६७- २६१५६

कनेरगाव - ८१०- १३३७६

कळमनुरी- १२६५ - २०२३८

वसमत - ५०९ - ७७११

जवळा बाजार - १५२७- २१८१३

सेनगाव - ८९३- १४७३३

साखरा - ३४३- ५३५८

येळेगाव - ६०- ११२४

वारंगा - १४१ - २३२९