पंजाब सरकारने चालू रब्बी विपणन हंगामात अवघ्या २० दिवसांत गहू खरेदीचे (Wheat Procurement) निम्मे उद्दिष्ट पूर्ण केले आहे. १ एप्रिलपासून सुरु झालेल्या गहू खरेदी प्रक्रियेत पंजाब सरकारने ६७.५० लाख टन गव्हाची (Wheat) खरेदी केली आहे.

गहू खरेदी प्रक्रिया सुरू झाल्यानंतर अवघ्या २० दिवसांत पंजाबमध्ये एवढा गहू खरेदी (Wheat Procurement) करण्यात आला आहे. पंजाबसाठी यंदा १३० लाख टन गहू खरेदी करण्याचे उद्दिष्ट आहे. त्यातील ५० टक्के म्हणजेच ६७.५० लाख टन गहू खरेदी झाली असल्याचे सरकारी सूत्रांनी म्हटले आहे.

या रब्बी हंगामात गेल्यावर्षीच्या तुलनेत २७ टक्के अधिक मालाची आवक झाली आहे. गेल्यावर्षी रब्बी हंगामात याच कालावधीत ५३.३५ लाख टन गव्हाची (Wheat) आवक झाली होती.

आजवर बाजारात दाखल झालेल्या गव्हापैकी ६१.९५ लाख टन गव्हाची खरेदी (Wheat Procurement) हमीभावाने (MSP) सरकारी खरेदी केंद्रांकडून करण्यात आली आहे. उर्वरित ३.४५ लाख टन गव्हाची खरेदी खाजगी यंत्रणांकडून करण्यात आली आहे.

राजाच्या कृषी विभागाकडील १९ एप्रिलपर्यंतच्या आकडेवारीनुसार संगरूर जिल्ह्यातून सर्वाधिक ७.२७ लाख टन गव्हाची आवक झाली आहे. त्यातील ७.१८ लाख टन गव्हाची खरेदी (Wheat Procurement) करण्यात आली आहे. फेरोजपूर जिल्ह्यातून ५.४० लाख टन आणि पटियाला जिल्ह्यातून ५.३१ लाख टन गव्हाची आवक झाली आहे.

राज्यात या रब्बी हंगामात ३५ लाख हेक्टर क्षेत्रात गव्हाची लागवड करण्यात आली. राज्यातील गव्हाचे उत्पादन १७१ लाख टनांवर जाईल, असा अंदाज वर्तवण्यात आला आहे. दरम्यान राज्य सरकारने खाजगी व्यापारी, कंपन्यांना बाजार समिती शुल्क भरल्यानंतरच शेतकऱ्यांकडून गहू खरेदी करण्याच्या सूचना केल्या आहेत.

बाजार समित्यांचे शुल्क भरल्याशिवाय कोणी गहू खरेदी करताना आढळल्यास मूळ शुल्काच्या दहा पट शुल्क दंड म्हणून नाकारण्यात येणार असल्याचेही सरकारी सूत्रांनी नमूद केले आहे.