वाॅशिंग्टन, अमेरिका ः गेल्या दशकात अमेरिकेतून भारतात कृषी उत्पादनांच्या निर्यातीत २५० टक्क्यांनी वाढ झाली अाहे, अशी माहिती अमेरिकेच्या कृषी खात्यातील अधिकाऱ्याने दिली अाहे.
अमेरिकेच्या कृषी खात्यातील व्यापार अाणि विदेश कृषी व्यवहार विभागाचे अवर सचिव टेड मॅककिन्नी सोमवार(ता. ३०)पासून पाच दिवसांच्या भारत दौऱ्यावर येत अाहेत. या दौऱ्याच्या पार्श्वभूमीवर त्यांनी भारतात होणाऱ्या कृषी उत्पादनांच्या निर्यातीत मोठी वाढ झाल्याची माहिती दिली अाहे.
श्री. मॅककिन्नी यांचा हा पहिला विदेश दौरा अाहे. त्यांच्यासोबत ५० उद्योजक, व्यापारी संघटनांचे प्रतिनिधी भारत दौऱ्यावर येत अाहेत. भारतात होणाऱ्या कृषी उत्पादनांच्या निर्यातीत अाणखी वाढ व्हावी, या हा दौऱ्याचा उद्देश अाहे.
गेल्या दशकात अमेरिकेतून भारतात होणाऱ्या कृषी उत्पादनांच्या निर्यातीत वाढ झाली असली तरी अजून अनेक उत्पादनांच्या निर्यातीबाबत अडथळे अाहेत, असेही श्री. मॅककिन्नी यांनी नमूद केले अाहे.
‘‘अमेरिकेसाठी भारत हा जगातील महत्त्वाची बाजारपेठ अाहे. पाच दिवसांच्या दौऱ्यात अमेरिकेतील कृषी उत्पादनांना भारतातील बाजारपेठ उपलब्ध करून देण्याचा अामचा प्रयत्न अाहे. तसेच भारतासोबत होणाऱ्या व्यापाऱ्यात सुधारणा व्हावी, यावर चर्चा होणार अाहे,’’ असे श्री. मॅककिन्नी यांनी सांगितले.
अमेरिकेतून कृषी निर्यात १.३ अब्ज डॉलरवर
अमेरिकेतून भारतात होणाऱ्या कृषी उत्पादनांची निर्यात २०१६ मध्ये १.३ अब्ज डॉलरवर पोचली अाहे. त्यात कापूस, कडधान्ये, ताजी अाणि प्रक्रियायुक्त फळे अादींचा ८० टक्के समावेश अाहे. अमेरिकेतील इथेनाॅल निर्यातीसाठी भारत ही मोठी बाजारपेठ बनली अाहे. अमेरिकेतून भारतात २०१६ मध्ये सुमारे १७६ डॉलर किमतीचा इथेनॉल पुरवठा करण्यात अाला अाहे, अशी माहिती मिळाली अाहे.