Soybean Market Update हिंगोली ः हिंगोली कृषी उत्पन्न बाजार समितीतील (Hingoli APMC) धान्य बाजारात (भुसार माल मार्केट) बुधवारी (ता. १५) सोयाबीनची ६४५ क्विंटल आवक (Soybean Arrival) झाली होती. सोयाबीनला प्रतिक्विंटल किमान ४९०० ते कमाल ५१३३ रुपये तर सरासरी ५०१६ रुपये दर (Soybean Rate) मिळाले.

हिंगोली बाजार समितीतील भुसार मार्केटमध्ये गुरुवार (ता. ९) ते बुधवार (ता. १५) या कालावधीत सोयाबीनची ३०७० क्विंटल आवक झाली. प्रतिक्विंटल किमान ४७०० ते कमाल ५२१० रुपये दर मिळाले.

मंगळवारी (ता. १४) ४०० क्विंटल आवक होऊन प्रतिक्विंटल ४८०५ ते कमाल ५११२ रुपये तर सरासरी ४९५८ रुपये दर मिळाले. सोमवारी (ता. १३) ३२५ क्विंटल आवक होऊन प्रतिक्विंटल किमान ४७०० ते कमाल ५१०० रुपये तर सरासरी ४९०० रुपये दर मिळाले.

शनिवारी (ता. ११) ७०० क्विंटल आवक होऊन सोयाबीनला प्रतिक्विंटल किमान ४८०० ते कमाल ५१५१ रुपये तर सरासरी ४९७५ रुपये दर मिळाले.

शुक्रवारी (ता. १०) सोयाबीनची ६०० क्विंटल आवक होऊन प्रतिक्विंटल किमान ४९०० ते कमाल ५१९६ रुपये तर सरासरी ५०४८ रुपये दर मिळाले. गुरुवारी (ता. ९) ४०० क्विंटल आवक होऊन प्रतिक्विंटल किमान ४८०० ते कमाल ५२१० रुपये तर सरासरी ५००५ रुपये दर मिळाले.

शेतकऱ्यांची चिंता वाढली

सोयाबीनच्या दरात शेतकऱ्यांना अपेक्षित सुधारणा नाही. दरात घसरण सुरूच आहे. त्यामुळे सोयाबीन साठवूण ठेवलेल्या शेतकऱ्यांची चिंता वाढली आहे.