दूध हे तुलनेने फारच कमी काळासाठी टिकवून ठेवता येते. या तुलनेमध्ये त्यापासून तयार केलेली व्होडका दीर्घकाळ टिकविणे शक्य आहे. यामुळे दुग्ध उत्पादक शेतकऱ्यांसाठी एक नवे दालन उपलब्ध होणार आहे. अमेरिकेतील ओरेगॉन राज्यामधील एका शेतकऱ्याने काऊकोहोल हा व्होडकाचा एक ब्रॅंड तयार केला आहे. दुधाच्या प्रक्रियेमध्ये आंबवलेल्या पेयांना मोठा इतिहास आहे. अगदी १३ व्या शतकामध्ये चेंगीझखानाच्या लष्करामध्ये घोडीचे दूध आंबवून बनवलेले पेय पिले जाई. जॉर्जिया आणि रशिया या दरम्यानच्या कौकॅसस पर्वतीय प्रदेशातील भटके मेंढपाळ दूध धान्यांसोबत आंबवून त्यापासून केफीर नावाने पेय तयार करत. त्याचा वापर शेकडो वर्षापासून केला जातो.
आम्ही त्याच दुधापासून आणखी एक उत्पादन बनवत आहोत. एखाद्या कच्च्या मालापासून शक्य तितके उपयुक्त भाग मिळवत असल्याने डेअरी अधिक फायदेशीर करणे शक्य होत आहे. - टॉड कोच, डेअरी व दुग्ध प्रक्रिया उद्योजक, ओरेगॉन.
