turmeric crop management practices
हळदी पिकामध्ये करपा, कंदकूज रोग आणि रस शोषण करणाऱ्या किडींचा प्रादुर्भाव झाल्यास पाने पिवळी पडतात. सध्याच्या काळात काही भागात पाने पिवळी पडत आहेत. याची लक्षणे तपासून कीड, रोग नियंत्रणाच्या उपाययोजना कराव्यात. रोगांचा प्रादुर्भाव करपा रोगामुळे पाने पिवळी पडतात. पानांवर तपकिरी रंगाचे ठिपके प्रथमतः खालच्या पानांवर पडतात. नियंत्रण
रोगट पाने कापून जाळून टाकावीत. शेतात स्वच्छता ठेवावी.मॅन्कोझेब २ ते २.५ ग्रॅम किंवा कॉपर ऑक्सिक्लोराईड २.५ ते ३ ग्रॅम प्रती लिटर पाण्यात मिसळून फवारावे. (ॲग्रेस्को शिफारस)सुरळीतील पानांचे शेंडे वरून आणि कडांनी पिवळे पडून १ ते १.५ सें.मी. खालीपर्यंत वाळत जातात. पुढे हळदीचे पान संपूर्णपणे वाळते.खोडाचा जमिनीलगतचा बुंधा काळपट पडतो. या ठिकाणी माती बाजूस करून पाहिल्यास गड्डाही वरून काळा पडलेला व निस्तेज झालेला दिसतो. या भागावर दाब दिल्यास त्यातून कुजलेले, घाण वास येणारे पाणी बाहेर येते.रोगग्रस्त सुरळी जर ओढली तर चटकन झाड सहज हातात येते.वैशिष्टयपूर्ण पिवळ्या निस्तेज पानांमुळे हा रोग ओळखता येतो.शेतात पाणी साठू देऊ नये.प्रतिबंधात्मक उपाय म्हणून ट्रायकोडर्मा प्लस प्रति एकरी २ ते २.५० किलो प्रति २५० ते ३०० किलो शेणखतामध्ये मिसळून जमिनीत पसरून द्यावी.कॉपर ऑक्सिक्लोराईड ५ ग्रॅम प्रति लिटर पाण्यात मिसळून आळवणी.जास्त प्रादुर्भाव असल्यास मेटॅलॅक्झील (८ टक्के) अधिक मॅंन्कोझेब (६४ टक्के) संयुक्त बुरशीनाशक २ ग्रॅम प्रति लिटर पाण्यात मिसळून आळवणी. (ॲग्रेस्को शिफारस) किडींचा प्रादुर्भाव कंद माशी
माशी उघड्या हळद कंदावर अंडी घालते. अंड्यातून बाहेर पडणाऱ्या अळ्या उघड्या गड्ड्यामध्ये शिरून उपजीविका करतात.अशा गड्ड्यामध्ये नंतर पिथिअम बुरशी आणि सूत्रकृमींचा प्रादुर्भाव होतो. खोड व गड्डे कुजतात. पाने पिवळी पडतात.उघडे पडलेले कंद मातीने झाकून घ्यावेत.क्विनॉलफॉस (२५ टक्के प्रवाही) किंवा डायमेथोएट (३० टक्के प्रवाही) १ मिलि प्रती लिटर पाण्यात मिसळून जुलै ते ऑक्टोबर दरम्यान १५ दिवसांच्या अंतराने गरजेनुसार फवारावे. (ॲग्रेस्को शिफारस) तुडतुडे, फुलकिडे, पांढरी माशी कीड पानांखाली राहून पानातील रस शोषण करते.त्यामुळे पाने पिवळी पडतात. नियंत्रण
निंबोळीवर आधारित कीटकनाशक (अझाडिरेक्टीन १०,००० पीपीएम) ३ मिलि. किंवाडायमेथोएट (३० टक्के प्रवाही) १ मिलि प्रती लिटर पाण्यात मिसळून फवारणी. (ॲग्रेस्को शिफारस) संपर्क- डॉ. मनोज माळी,९४०३७ ७३६१४ (हळद संशोधन योजना, कसबे डिग्रज, जि.सांगली)