agri advisory for kokan region  
कृषी सल्ला

कृषी सल्ला (भात, आंबा, काजू, नारळ, सुपारी, नागली, हळद, कलिंगड)

नुकत्याच झालेल्या मेघगर्जना आणि विजेच्या कडकडाटासह झालेल्या पावसामुळे शेतातील उभे तयार भात पडले असतील, तर अशा भाताच्या लोंब्या पारंपारिक पद्धतीप्रमाणे वेचून सुरक्षित ठिकाणी आणून ठेवाव्यात.

डॉ. विजय मोरे

नुकत्याच झालेल्या मेघगर्जना आणि विजेच्या कडकडाटासह झालेल्या पावसामुळे शेतातील उभे तयार भात पडले असतील, तर अशा भाताच्या लोंब्या पारंपारिक पद्धतीप्रमाणे वेचून सुरक्षित ठिकाणी आणून ठेवाव्यात. खरीप भात 

  • दाणे भरणे (गरव्या जाती), पक्वता  (निमगरव्या आणि हळव्या जाती)
  • नुकत्याच झालेल्या मेघगर्जना आणि विजेच्या कडकडाटासह झालेल्या पावसामुळे शेतातील उभे तयार भात पडले असतील, तर अशा भाताच्या लोंब्या पारंपारिक पद्धतीप्रमाणे वेचून सुरक्षित ठिकाणी आणून ठेवाव्यात. उन्हे पडल्यास वाळविण्यासाठी पसरून ठेवाव्यात. पडलेले भात भिजल्यामुळे कोंब फुटण्याची शक्यता असते. तातडीने अशा लोंब्या वेचून सुरक्षित ठिकाणी आणल्यास काही प्रमाणात नुकसान कमी होण्यास मदत होईल.
  • भात खाचरातील पाण्याचा निचरा होण्याची व्यवस्था करावी आणि गरवे भात दाणे भरण्याच्या अवस्थेत असल्याने खाचरात पाण्याची पातळी ५ सें.मी. पर्यंत नियंत्रित करावी.  
  • हवामान अंदाजानुसार हलक्या ते मध्यम पावसाची शक्यता वर्तवली जात आहे. तयार भात पिकाची कापणी पावसाची उघडीप असताना करावी. कापणी केलेले भात शेतात न ठेवता लगेचच सुरक्षित ठिकाणी न्यावे. लगेच मळणी करावी. उत्पादित पीक कोरड्या आणि सुरक्षित ठिकाणी वाळविण्यासाठी पसरून ठेवावे.

    • नागली/ वरई 

  • पक्वता 
  • पावसामुळे शेतातील उभे तयार झालेले नागली, वरईचे पीक पडले असल्यास भाताप्रमाणेच त्यांच्याही लोंब्या वेचून सुरक्षित ठिकाणी आणाव्यात. उन्हे पडताच वाळविण्यासाठी पसरून ठेवाव्यात. 
  • नाचणी, वरई पीक क्षेत्रातील अतिरिक्त पाण्याचा निचरा करण्याची व्यवस्था करावी.
  • हवामान अंदाजानुसार हलक्या ते मध्यम पावसाची शक्यता वर्तवली आहे. तयार नागली/ वरई पिकाची कणसे विळ्याने कापून कोरड्या आणि सुरक्षित ठिकाणी वाळविण्यासाठी पसरून ठेवावे. वाळल्यानंतर मळणी करावी.

    • आंबा /काजू /नारळ/ सुपारी

  • नुकत्याच झालेल्या पावसामुळे नवीन लागवड केलेल्या बागेतील साचलेल्या अतिरिक्त पाण्याचा निचरा करण्याची व्यवस्था करावी.
  • ढगाळ आणि पावसाळी वातावरणामुळे आंबा व काजू बागेत कोवळ्या पालवीवर करपा आणि नारळ व सुपारीवर बुरशीजन्य रोगाचा प्रादुर्भाव होऊ शकतो. त्यासाठी पावसाची उघडीप असताना १ टक्के बोर्डो मिश्रणाची फवारणी करावी. 

    • कलिंगड / भेंडी 

  • पेरणी  
  • मागील तीन दिवसात झालेल्या पावसामुळे जमिनीतील ओलावा निर्माण झाल्याने बी कुजण्याची शक्यता आहे. तसेच हवामान अंदाजानुसार हलक्या ते मध्यम पावसाची शक्यता वर्तवली असल्याने कलिंगड व भेंडी या पिकाच्या पेरणीची कामे पुढे ढकलावीत.

    • हळद 

  • कंद अवस्था 
  • नुकत्याच झालेल्या पावसामुळे हळद बागेतील साचलेल्या अतिरिक्त पाण्याचा निचरा करण्याची व्यवस्था करावी.

    • भाजीपाला रोपवाटिका व नवीन फळबाग लागवड

  • वाढीची अवस्था 
  • पावसामुळे नवीन लागवड केलेल्या फळबागा तसेच भाजीपाला रोपवाटीकेतील साचलेल्या अतिरिक्त पाण्याचा निचरा करण्याची व्यवस्था करावी.

    • संपर्क- ०२३५८- २८२३८७ डॉ. विजय मोरे, ९४२२३७४००१ (कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली).

    ॲग्रोवनचे सदस्य व्हा

    शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Also Read

    VAMNICOM : वैकुंठभाई मेहता सहकारी संस्थेला ‘त्रिभुवन’ विद्यापीठाची मान्यता

    Krishi Mandal Office : नसरापुरातील कृषी मंडल कार्यालय बेपत्ता

    NCPSP Mandal Yatra : ‘राष्ट्रवादी’ची आता मंडल यात्रा

    Maharashtra Agriculture Minister : महायुती सरकारचे खाते बदल; राज्याचे नवे कृषिमंत्री दत्तात्रय भरणे

    Banana Farming : इंदापूरच्या शेतकऱ्यांची केळी पिकाला पसंती

    SCROLL FOR NEXT