शेळी विताना काही बदल झाल्यास म्हणजे करडू बाहेर येण्याची स्थिती चुकल्यास शेळी अडण्याची समस्या दिसून येते. सर्वसाधारण परीस्थितीत करडू डोके आणि पुढील दोन पाय किंवा मागील दोन पायांनी बाहेर येत असते. याव्यतिरिक्त कोणती स्थिती उद्भवल्यास शेळी अडण्याची समस्या दिसून येते. या स्थिती कोणत्या आहेत ते पाहूयात. -    करडांचा एक किंवा दोन्ही पाय दुमडलेले असल्यास.   -    करडाचे डोके दुमडलेले असल्यास. -    करडाचा आकार मोठा असल्यास. -    शेळी विताना शेळीच्या गर्भाशयाची स्पंदने कमी असणे म्हणजे प्रसरण पावण्याची   क्षमता कमी असल्यास. -    शेळीचा योनीमार्ग लहान असल्यास. -    शेळीला जुळे होणार असल्यास दोन करडांपैकी एका करडाचे (Kid) डोके आणि   दुसऱ्या  करडाचे पुढील पाय एकाच वेळेस बाहेर येणे.

शेळीमध्ये अशा कोणत्याही प्रकारची स्थिती उद्भवल्यास त्वरित पशुवैद्यकाची मदत घ्यावी. पशुवैद्यकाच्या सल्ल्यानेच योग्य तो उपचार करावा. पहिलारू शेळ्यांमध्ये अडण्याचे प्रमाण जास्त असते. शेळी (Goat) अडण्याचे प्रमाण पहिलारू शेळी आणि इतर शेळ्यांमध्ये अडण्याचे प्रमाण अनुक्रमे १० आणि ५ टक्के इतके असते.