रवंथ करणाऱ्या जनावरांचे पोट हे कोटी पोट, जाळी पोट, पडदे पोट आणि खरे पोट या चार कप्प्यांमध्ये विभागलेले असते. कोटी (Rumen) पोट  अन्ननलिकेसोबत जोडले गेलेले असते. चर्वण केलेले खाद्य कोटी पोटात एका ठिकाणी जमा होऊन त्याचा गोळा तयार होतो. यात मुख्यत्वे न पचलेले घटक असतात. ज्यांचे रवंथ (Rumination) प्रक्रियेमध्ये पुन्हा चर्वण केले जाते.

हेही पाहा-  रवंथ किंवा Rumination चे महत्त्व जाणून घ्या!

कोटीपोटाच्या भित्तीकेमधून विविध घटक शोषले जातात, तसेच सूक्ष्मजीवाणूद्वारे प्रथिने, कर्बोदके यांचे साध्या प्रकारात रुपांतर केले जाते. कोटी पोटाचा सामू कमी जास्त झाल्यास पोटफुगी (Bloat) होऊ शकते. खाद्यामध्ये लोखंडी, धारधार अखाद्य वस्तू जाळी पोटात अडकून बसतात. जाळी पोट हे मधमाश्यांच्या जाळ्यासारखे असते. पडदे पोटामध्ये विविध प्रकारचे अनेक पडदे असतात. खऱ्या पोटामध्ये संप्रेरकामार्फत विघटन केले जाते. हेही पाहा-  जनावरांची पचनक्रिया कशी कार्य करते?

पचनक्रिया तोंडामध्ये सुरु होऊन लाळ मिसळली जाते. हे लाळमिश्रित खाद्य कोटीपोटामध्ये जाते. मोठी जनावरे चारा पटापट खाल्यानंतर ते कोटी पोटात जाऊन तरंगत राहते. जनावरे बसल्यावर परत हे अन्न तोंडात आणून त्यात लाळ मिसळली जाते, यालाच आपण रवंथ करणे असं म्हणतो.