या पुरस्काराअंतर्गत प्रत्येकी ५०,००० हजार रुपयेरोख रक्कम दिली जाते. याव्यतिरिक्त स्मृतिचिन्ह, सन्मानपत्र आणि पतीसह सत्कार केला जातो. पुरस्कार (award) निवडीसाठी माननीय कृषीमंत्र्याच्या अध्यक्षेखाली अस्तित्वात असलेल्या समितीमार्फत राज्यातून प्रस्ताव मागविले जातात. आलेल्या प्रस्तावांची छाननी करून, सदर समितीने निवड केलेल्या महिला शेतकऱ्यास हा पुरस्कार दिलं जातो.

या पुरस्कारासाठी दरवर्षी पाच महिला शेतकऱ्यांची निवड करण्यात येते. कृषि क्षेत्रात संघटनात्मक कार्य करणाऱ्या व्यक्तीला किंवा गटाला किंवा संस्थेला हा पुरस्कार दिला जातो. मात्र या गटाने किंवा संस्थेने केलेले कार्य संपूर्ण राज्याला दिशादर्शक असले पाहिजे.