‘‘संकट तर येतच असतात, त्याला धैर्याने तोंड द्यावे लागते. तुझ्यावर अचानक संकट आले तरी खचून जाऊ नको, जिद्दीने काम सुरू ठेवा, आम्ही पाठीशी आहेत,’’ असा सल्ला देत नगर जिल्ह्यातील ज्येष्ठ नेते, माजी खासदार यशवंतराव गडाख यांनी लोहगाव (ता. नेवासा) येथील रोहिदास ढेरे यांना आधार दिला आहे.

गडाख कुटुंबाकडून ढेरे यांना दीड लाख रुपयांची आर्थिक मदत देण्यात आली.लोहगाव येथील रोहिदास ढेरे यांच्या गोठ्यातील २९ पैकी २२ मोठ्या गाईंना विषबाधा (Poisoning To Cow) होऊन दगावल्या आहेत.

चाऱ्यातून विषबाधा झाल्याने एकापाठोपाठएक अशा आठ दिवसांत सुमारे २२ गाईंचा मृत्यू झाला. सुरुवातीला पाच गाईंचा मृत्यू झाल्यानंतर उर्वरित गाईंवर उपचारासाठी तीन लाख औषधांवर खर्च केला, तरीही गाई दगावल्या. ढेरे कुटुंबाला सावरण्यासाठी परिसरातील दूध उत्पादक, गावकरी, व संस्थांच्या पुढाकाराने दोन दिवसांपूर्वी त्यांना तीनलाख रुपयांची मदत करण्यात आली.

शुक्रवारी (ता.३०) माजी खासदार व ज्येष्ठ नेते यशवंतराव गडाख यांनी रोहिदास ढेरे, रामदास ढेरे, सारंगधर ढेरे, कुशिनाथ ढेरे यांच्याकडे दीड लाखांची मदत दिली. या वेळी सेवा संस्थेचे माजी अध्यक्ष विश्वासराव गडाख, मुळा सहकारी साखर कारखान्याचे अध्यक्ष नानासाहेब तुवर, माजी संरपंच भाऊसाहेब राजळे,