Pune News : आळेफाटा येथील कृषी उत्पन्न बाजार समितीत गुरुवारी (ता. ७) झालेल्या गाईंच्या बाजारात २०९ च्यावर झाली आहे. जिल्ह्यात सर्वात मोठा गाईंचा बाजार जुन्नर कृषी उत्पन्न बाजार समीतीच्या आळेफाटा येथील उपबाजारात दर गुरुवारी भरत असतो. येथील बाजारात पारनेर, अकोले, पुणे, नाशिक, संगमनेर, ठाणे, अहमदनगर तसेच इतर ठिकाणांहून संकरित दुधाळ जातीच्या गाई विक्रीसाठी येत असतात.

या आठवड्यात भरलेल्या बाजारात २१४ संकरित गाई विक्रीसाठी आल्या होत्या. यामध्ये १९१ गायींची विक्री होऊन २० हजारांपासून ७० हजार रुपयांपर्यंत विक्री झाल्याची माहिती बाजार समितीचे सभापती संजय काळे, संचालक नबाजी गाडगे, सचिव रुपेश कवडे आणि आळेफाटा येथील कार्यालय प्रमुख प्रशांत महाबरे यांनी दिली.

दरम्यान गेल्या आठवड्यात या परिसरात पाऊस चांगला झाला असल्याने जनावरांसाठी चारा, पाणी उपलब्ध झाल्याने येथील गाई बाजारात या आठवड्यात दूध गवळी, शेतकरी तसेच व्यापा ऱ्यांची गर्दी मोठ्या प्रमाणावर दिसून येत होती.

दुधाचे बाजारभाव उतरले असले तरी गाईंच्या खरेदीला चांगला प्रतिसाद मिळत असून किमतीत देखील वाढ झालेली आहे, अशी माहिती रुपेश कुऱ्हाडे, अमोल कुऱ्हाडे, सलमान तांबोळी, दिलीप सरमाळे, विजय थोरात, अमोल मोडवे, सिकंदर शेख, नन्नु शेख या व्यापाऱ्यांनी सांगितले.