अमरावती : जिल्ह्यात काही ठिकाणी जनावरांवर लम्पी त्वचा आजाराचा (Lumpy Skin Disease) प्रादुर्भाव झाल्याचे दिसत आहे. या रोगाला प्रतिबंध करण्यासाठी जिल्हा पशुसंवर्धन (Livestock) कार्यालयात जनावरांसाठी लस (Vaccine) उपलब्ध करण्यात आली आहे.

या रोगाची लक्षणे आढळून आल्यास पशुपालकांनी त्वरित पशू वैद्यकीय दवाखान्यात संपर्क साधावा, असे आवाहन जिल्हा पशुसंवर्धन उपायुक्त डॉ. संजय कावरे यांनी केले आहे.

पशुपालक तसेच शेतकऱ्यांनी घाबरून जाऊ नये. लम्पी स्कीन आजार उपचाराने पूर्ण बरा होतो. अधिक माहितीसाठी टोल फ्री क्रमांक १९६२ यावर संपर्क साधावा.

यावरील लसीकरण व औषधोपचार मोफत करण्यात येत आहेत. बाधित जनावरांवर त्यांनी त्वरित उपचार करून घ्यावा, असेही म्हटले आहे.