Chas News : चास-कमान धरणाच्या पाणलोट क्षेत्रातील भीमाशंकर परिसरात मॉन्सूनोत्तर पावसाने जोरदार हजेरी लावली आहे.

धरणाच्या पाणीसाठ्यात वाढ होण्यास सुरुवात झाली आहे. त्यामुळे धरणाचे पाचपैकी तीन दरवाजे उघडून ५९७ क्युसेकने भीमा नदीपात्रात विसर्ग करण्यात येत आहे.

यंदा २६ जुलैला सर्वप्रथम धरणाचे दरवाजे उघडण्यात आले होते. त्यानंतर टप्प्याटप्प्याने धरणातील पाणीसाठा कमी-जास्त होत राहिल्याने विसर्गही कमी-जास्त करण्यात येत होता.

रविवारी (ता. २०) धरणात पाण्याची आवक वाढली होती. धरणात आधीच शंभर टक्के म्हणजे ८.५३ टीएमसी पाणीसाठा असल्याने रविवारी रात्री धरणाचे तीन दरवाजे उघडून भीमा नदीपात्रात विसर्ग सुरू करण्यात आल्याची माहिती जलसंपदा विभागाचे सहायक अभियंता एस. एस. सुसुंद्रे यांनी दिली.