Beed News : जगद्गुरू संत तुकाराम महाराज बीज निमित्त कान्नापूर (ता. धारूर) येथे २१ गावांच्या सहकार्यातून शेतकरी कीर्तन महोत्सव गुरुवारपासून (ता. २१) सुरू झाला आहे.

या महोत्सवात येणाऱ्या शेतकऱ्यांसाठी दर दिवशीच्या नाश्ता व दोन वेळच्या भोजनरूपी अन्नदानाची जबाबदारी विविध गावांतील ग्रामस्थांनी घेतली आहे.

महोत्सवाच्या पहिल्याच दिवशी दुपारच्या अन्नदानाची जबाबदारी म्हातारगाव व सायंकाळच्या अन्नदानाची जबाबदारी सरफराजपूर येथील ग्रामस्थांनी घेतली. जवळपास ७०० पेक्षा जास्त शेतकऱ्यांनी याचा लाभ घेतला.

शुक्रवारच्या (ता. २२) सकाळच्या नाश्त्याची व्यवस्था निमला येथील ग्रामस्थांनी तर दुपारच्या भोजनाची व्यवस्था कोयाळ व सायंकाळच्या भोजनाची व्यवस्था आमला येथील ग्रामस्थांनी पार पाडली.

आज (ता. २३) बडखेल गडदेवाडी व वाघाळा, उद्या (ता. २४) मुंगी, कावळेचीवाडी व बोधेगाव, सोमवारी (ता. २५) नागपिंपरी, कचरेवाडी, देवठाणा, मंगळवारी (ता. २६) पुरचुंडी, भिलेगाव व मोहा, तर समारोपाच्या दिवशी बुधवारी (ता. २७) मांडखेल येथील ग्रामस्थ जेवण पुरवतील, असे अॅड. अजय बुरांडे म्हणाले.