Pune News : स्वामी चिंचोली (ता. दौंड) येथे पंतप्रधान घरकुल योजनेतून घरकुलांचे काम करण्यात येत आहे. या कामाची पाहणी दौंड पंचायत समितीचे विस्तार अधिकारी लालासाहेब जंजिरे यांनी भेट देऊन केली. या वेळी घरकुलाचे काम प्रगतिपथावर असल्याची माहिती सरपंच पूनम मदने व ग्रामविकास अधिकारी स्वाती लोंढे यांनी दिली.
दौंड तालुक्यात सर्वाधिक पंतप्रधान आवास योजनेअंतर्गत घरकुले स्वामी चिंचोली गावात मंजूर आहेत. काही दिवसांपूर्वी येथील घरकुल घोटाळा उघड झाला होता. त्यांनतर बोगस घरकुले दाखवून बिले काढली जात असल्याच्या अफवेने संभ्रमावस्था निर्माण झाली होती.
त्यानंतर विस्तार अधिकारी जंजिरे यांनी स्वामी चिंचोली गावाला अचानक भेट देऊन पूर्ण झालेली कामे, लाभार्थी यांचे नाव, स्थळ यांची पाहणी केली. त्यांनतर सर्व चर्चेला पूर्णविराम मिळाला.
ग्रामपंचायतीने केलेल्या मागणीप्रमाणे लवकरच घरकुलाच्या कामाप्रमाणे लाभार्थ्यांचे हप्ते सोडण्यात येतील, असे आश्वासन विस्तार अधिकारी जंजिरे यांनी दिले. त्यामुळे लाभार्थ्यांच्या चेहऱ्यावर आनंद होता. या वेळी सदस्य पद्माकर कांबळे, ग्राम रोजगार सेवक तुकाराम गोलांडे उपस्थित होते.
सर्वाधिक घरकुले मंजूर असलेल्या स्वामी चिंचोली गावांत नियमाप्रमाणे लाभार्थी घर बांधत आहेत. घरकुल योजनेमुळे गोरगरीब ग्रामस्थांचे घराचे स्वप्न पूर्ण होत आहे. ग्रामस्थांनी कोणत्याही अफवांवर विश्वास ठेवू नये.- पूनम मदने, सरपंच
सरपंच, उपसरपंच व सदस्य यांच्यासमवेत वॉर्डनिहाय घरकुल बांधकामाचा दर आठवड्याला आढावा घेत आहोत. लाभार्थ्यांनी लवकरात लवकर घरकुल बांधून पूर्ण करावे, अशा सूचना दिल्या आहेत.- स्वाती लोंढे, ग्रामपंचायत अधिकारी
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.