Soybean Update : लातूर येथील राजा अमोघवर्ष शेतकरी उत्पादक कंपनी आणि पुणे येथील सिमेंटिक टेक्नॉलॉजीज ॲड ॲग्रीटेक सर्विसेस प्रा.लि. यांच्या वतीने शनिवारी (ता. २७) शेतकरी मेळाव्याचे आयोजन करण्यात आले आहे.

बोरी येथे सकाळी साडे आठ ते साडे अकरा या वेळेत हा मेळावा होणार आहे. यावेळी अचूक सोयाबीन उत्पादन तंत्रज्ञान आणि खरीप हंगामाची पूर्वतयारी या विषयावर चर्चासत्र आयोजित करण्यात आले आहे. सोयाबीन उत्पादक शेतकऱ्यांनी या मेळाव्याला हजेरी लावावी, असे आवाहन आयोजकांनी केले आहे.

मेळाव्याला येणाऱ्या शेतकऱ्यांनी सोबत आपल्या शेतीतील मातीचा नमुना आणला तर त्यांना आकर्षक भेटवस्तू मोफत देण्यात येईल, असेही आयोजकांनी कळवले आहे.