Solapur News : खरीप हंगाम २०२३ मधील नुकसानग्रस्त कापूस आणि सोयाबीन उत्पादक शेतकऱ्यांना राज्य शासनाकडून दोन हेक्टरच्या मर्यादेत प्रतिहेक्टरी ५ हजार रुपयांचे अर्थसाह्य मिळणार आहे. त्यामध्ये सोलापूर जिल्ह्यात १ हजार ९९ कापूस उत्पादक आणि १ लाख ७० हजार १८३ सोयाबीन उत्पादक याप्रमाणे १ लाख ७१ हजार २८२ शेतकऱ्यांना ही मदत मिळणार आहे.

राज्याच्या कृषी विभागाकडून त्यासाठी शेतकऱ्यांकडून कागदपत्रे जमा करण्यात येत आहेत. संबंधित पात्र शेतकऱ्यांच्या नावांची यादी जिल्हास्तरावर जिल्हा अधीक्षक कृषी अधिकारी कार्यालयाकडे आली आहे.

आता ती तालुकास्तरावर देण्यात आली असून, कृषीसहायकांमार्फत शेतकऱ्यांशी संपर्क साधून शेतकऱ्यांकडून कागदपत्रे घेण्यात येत आहेत. मुख्यतः मागच्या वर्षीच्या खरिपात ई-पीकपाहणी अॅपद्वारे पिकांची नोंद केलेल्या आणि नुकसानग्रस्त शेतकऱ्यांनाच मिळणार आहे.

वैयक्तिक शेतकऱ्यांना संमतीपत्र आणि सामायिक खातेदार असतील, त्यांच्याकडून संमतीपत्रासह ना हरकत पत्र, सात-बारा उतारा, आधार कार्ड, बॅँक पासबुक ही कागदपत्रे घेतली जात आहेत.

पीकनिहाय लाभार्थी याप्रमाणे ...

उत्तर सोलापूर १७ हजार ७६२ (सोयाबीन), २ (कापूस),

दक्षिण सोोलपूर ९ हजार ८२४ (सोयाबीन), ४९ (कापूस)

अक्कलकोट २५ हजार ८६५ (सोयाबीन), ५९८ (कापूस)

मोहोळ ११ हजार २५ (सोयाबीन), ८ (कापूस)

माढा ४१६ (सोयाबीन), १६ (कापूस)

करमाळा १८८ (सोयाबीन), ११९ (कापूस)

बार्शी १ लाख ४ हजार ७४२ (सोयाबीन), १३ (कापूस)

पंढरपूर ११३ (सोयाबीन), १५ (कापूस)

सांगोला २९ (सोयाबीन), २१३ (कापूस)

मंगळवेढा ५४ (सोयाबीन), ५० (कापूस)

माळशिरस १६६ (सोयाबीन), १६ (कापूस)

एकूण १ लाख ७० हजार १५३ (सोयाबीन), १०९९ (कापूस)