Nashik News : पहिले रामसर दर्जा मिळालेल्या नांदूरमध्यमेश्वर पक्षी अभयारण्यात परतीच्या पावसात दिशा भरकटल्याने एका नवीन पाहुण्याचे आगमन झाले आहे. स्ट्रायटेड हेरॉन (ब्युटोराइड्स स्ट्रियाटा) ज्याला मॅन्ग्रोव्ह हेरॉन,लिटल ग्रीन बग किंवा हिरवा बॅक बगळा म्हणून देखील ओळखले जाते.

हा एक लहान बगळा आहे. त्याच्या मासे पकडण्याच्या काही मनोरंजक वर्तनात्मक वैशिष्ट्यांसाठी प्रख्यात आहे. भारतासह पश्चिम आफ्रिकेपासून जपान आणि ऑस्ट्रेलियापर्यंत आणि दक्षिण अमेरिका आणि कॅरिबियनमधील उष्ण कटिबंधात मायक्रोनेशिया, मारियानास, पलाऊ संघराज्यातील चुक आणि याप सारख्या महासागरातील बेटांवर भटकंतीची नोंद झाली आहे.

१७५८ ला स्वीडिश निसर्गशास्त्रज्ञ कार्ल लिनिअस यांनी त्यांच्या सिस्टिमा नेचुरेच्या दहाव्या आवृत्तीत या बगळ्याचे औपचारिक वर्णन आढळते. हा पक्षी १४ ते १९ इंच लांबी, १३० ते २५० ग्रॅम वजन, तर पंख ५२ ते ६० सेमी असतात. पक्ष्याची पाठ आणि पंख निळ्या-राखाडी असतात,अंडरपार्ट्स पांढरे असतात,काळी टोपी असते,एक गडद रेषा डोळ्यांखालील आणि लहान पिवळे पाय असतात.

वर्तनात्मक वैशिष्टे

शिकार करण्यासाठी हे पक्षी पाण्याच्या काठावर स्थिर उभे राहतात, लहान मासे, बेडूक आणि जलीय कीटक हे पक्षी खातात. जमिनीवर आश्रयस्थान असलेले हे पक्षी पाण्याजवळ घरटी करतात. घरट्यात असताना तो चोचीमध्ये एक काठी पकडतो आणि शिलाई मशिनच्या सुई प्रमाणे डोक्याने वेगाने मागे-पुढे हालचाल करतो.

जेव्हा त्यांना धोका वाटतो तेव्हा त्यांची मान लांब करून आणि आकाशाकडे बघत एक प्रदर्शन देखील करतो. हा पक्षी सामान्यत: नाले, तलाव आणि तलावांच्या आसपास आढळतो. ज्याच्या किनारी भागात दाट झुडूप वाढलेली असते. हे किनारपट्टीच्या बॅकवॉटर, खारफुटीच्या दलदलीत आणि भरतीच्या खाड्यांमध्ये देखील आढळते.