Nagar News : वयाची ८० वर्षे उलटलेल्या एक वयस्कर महिला आपल्या नातवाला संभाळतात. संजय गांधी निराधार योजनेतून मदत मिळावी यासाठी त्या अर्ज करतात आणि महसूल विभागाचे अधिकारी लाभ देत नाहीत,

असा प्रकार हा जाणीवपूर्वक करत असल्याचा आरोप करत खासदार नीलेश लंके यांनी महसूल विभागाच्या अधिकाऱ्यांना धारेवर धरले.

गरीब, सामान्य लोकांची अडवणूक करणे चांगले नाही असे सांगतानाच तुमच्यामुळे महसूल खाते बदनाम झाल्याचा आरोप केला.

खासदार लंके यांनी नगर दक्षिण विभागातील कामांचा धडाका सुरू केला आहे. पारनेर तालुक्यातील निराधार योजना व अन्य विषयांवर महसूल अधिकाऱ्यांसोबत आढावा बैठक घेतली. त्यावेळी त्यांनी आरोप केले.