Rain Update  Agrowon
ॲग्रो विशेष

Heavy Rain : खानदेशात पावसाचा धुमाकूळ सुरूच

Rain Update : खानदेशात पावसाचा धुमाकूळ सुरूच आहे. यात पिकांसह पशुधनाची हानी होत असून, प्रशासनाने तातडीने कार्यवाही करावी, अशी मागणी केली जात आहे.

Team Agrowon

Jalgaon News : खानदेशात पावसाचा धुमाकूळ सुरूच आहे. यात पिकांसह पशुधनाची हानी होत असून, प्रशासनाने तातडीने कार्यवाही करावी, अशी मागणी केली जात आहे.

मुक्ताईनगर तालुक्यातील टाकळी येथे मोहन चव्हाण यांची बैलजोडी वीज कोसळून मृत्युमुखी पडली. ही घटना चिंचखेडा बुद्रुक शिवारात घडली. सुदैवाने शेतकरी चव्हाण घरी होते. सोमवारी (ता.१३) सकाळी मुक्ताईनगर व परिसरात सुसाट वाऱ्यासह पाऊस झाला. यात केळीची हानी झाली. शेतकरी चव्हाण हे आपल्या बैलजोडीसह शेतीकामांसाठी चिंचखेडा शिवारातील शेतात गेले. परंतु पाऊस सुरू झाला.

काम थांबवून चव्हाण बैलजोडी झाडाखाली बांधून घरी धावपळ करीत पोहोचले. अशातच शेतात झाडावर वीज कोसळली व त्यात बैलजोडी मृत्युमुखी पडली. तलाठी व पशुधन विकास अधिकाऱ्यांनी पंचनामा केला. बैलजोडी मृत्युमुखी पडल्याने दीड लाखांचे नुकसान झाले आहे. वित्तीय संकटात असतानाच ही घटना घडल्याने चव्हाण हे अडचणीत आले आहेत.

खानदेशात धुळे, नंदुरबार व जळगावात सोमवारी अनेक भागांत वादळी पाऊस झाला. मोठे नुकसान यात केळी, भाजीपाला पिकांचे झाले. जळगाव जिल्ह्यातील भुसावळ, यावल, रावेर, मुक्ताईनगर, धुळ्यातील साक्री, धुळे, शिरपूर, नंदुरबारातील शहादा, अक्कलकुवा, नंदुरबार भागांत वादळी पाऊस झाल्याने नुकसान झाले आहे. केळीबागा आडव्या झाल्या असून, पंचनामे करण्याची मागणी केली जात आहे.

बाजरी मळणीत अडचणी

मागील पाच ते सहा दिवस खानदेशात विविध भागांत वादळी पाऊस होत आहे. बाजरी मळणी व शेतीची पूर्वमशागत सुरू आहे. या कामातही अडचणी येत आहेत. सकाळी ढगाळ वातावरण असते. दुपारी उष्णता वाढते व सायंकाळी पाऊस येतो. वेगाचा वारा असतो, अशी स्थिती खानदेशात सर्वत्र आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT