Mumbai News : राखीव वनांच्या संगोपनामुळे निलगाईंची संख्या वाढली आहे. चारा, पाण्याच्या शोधात नीलगाई कधी कधी वाहतुकीच्या मार्गावर येतात. त्यामुळे अनेकदा वाहनांना धडकून निलगाईंचे अपघात झाले आहेत.

यात बऱ्याचदा जखमी झालेल्या निलगाई दगावल्या आहेत. तर वाहन चालक जखमी झाले असून वाहनांचे प्रचंड नुकसान झाले आहे. त्यामुळे सावधानता म्हणून वनविभागाने निलगाई संचार क्षेत्रात सावधानता फलक लावले आहेत.

अस्नोली, शेणवे, ऊंभ्रई, कानवे, खरीड, मानेखिंड, टाकीपठार, सावरोली याठिकाणी राखीव वनक्षेत्रात दाट जंगल वाढले आहे. त्यामुळे निलगाईंची संख्याही वाढली आहे. वनक्षेत्रात नीलगाईंचा संचार वाढल्याने फलक लावले आहेत.