Chh. Sambhajinagar News : मराठवाड्यातील आठ जिल्ह्यांत एप्रिल २०२४ ते मार्च २०२५ या कालावधीत सर्व वर्गवारीतील १ लाख २४८४८ ग्राहकांना नवीन वीज जोडण्या देण्यात आल्या आहेत.

नवीन वीज जोडणीसाठी नागरिकांनी आवश्यक कागदपत्रांसह ‘महावितरण’च्या जवळच्या कार्यालयाशी संपर्क साधण्याचे आवाहन महावितरणने केले आहे. महावितरण कंपनी वीज ग्राहकांना दर्जेदार, गुणवत्तापूर्ण व ग्राहकाभिमुख तत्पर सेवा देण्यासाठी सज्ज आहे.

त्यानुसार महावितरणचे अध्यक्ष तथा व्यवस्थापकीय संचालक लोकेश चंद्र व छत्रपती संभाजीनगर प्रादेशिक कार्यालयाचे सहव्यवस्थापकीय संचालक आदित्य जिवने यांनी नव्या वीज जोडणीचे अर्ज तातडीने निकाली काढण्याचा आदेश कार्यक्षेत्रातील क्षेत्रीय कार्यालयांना दिले आहेत.

ग्राहकांनी नव्या वीज जोडणीसाठी अर्ज केल्यानंतर महावितरणचे कर्मचारी स्थळ अर्थात जागेची पाहणी करून किती शुल्क भरायचे याची माहिती देतात.

मंडल कार्यालय नवीन जोडण्या

छत्रपती संभाजीनगर शहर १३,६७४

छत्रपती संभाजीनगर ग्रामीण २२,५१८

जालना १४,१८४

छत्रपती संभाजीनगर परिमंडल ५०,३७६

बीड १२,३९५

धाराशिव ११,७०७

लातूर २०,७९७

लातूर परिमंडल ४४,८९९

हिगोंली ४,५४१

नांदेड १९,९५५

परभणी ५,०७५

नांदेड परिमंडल २९,५७१

मराठवाडा एकूण १,२४,८४६