Pune News : जगाच्या पाठीवर शेतीत प्रचंड बदल आणि आधुनिकीकरण होत आहे. त्याच मोठ्या प्रमाणात तंत्रज्ञाचा वापर होत असून उत्पादन वाढीसाठी प्रयत्न केला जात आहे. यावरूनच राज्यातील शेतकऱ्यांना शेतीतील तंत्रज्ञानाचा अभ्यास करण्यासाठी परदेश दौऱ्याची योजना राज्य सरकारकडून आखण्यात आली आहे. यासाठी आता तारीख समोर आली असून अर्ज करण्याची शेवटची तारीख ३१ जानेवारी २०२४ आहे.

परदेश अभ्यास दौऱ्यासाठी ३१ जानेवारी २०२४ पर्यंत इच्छूक शेतकऱ्यांना अर्ज करावा लागणार आहे. तर शेतकऱ्यांना हे अर्ज कृषी अधिकारी कार्यालय येथे ससादर करावे लागतील. दरम्यान यावेळी शासनाने घातलेल्या जाचक अटी आणि शर्थींमुळे या योजनेचा लाभ किती शेतकरी घेणार असाल सवाल आता उपस्थित केला जाऊ लागला आहे. याच्याआधी कोरोनामुळे ही योजना थांबविण्यात आली होती. ती पुन्हा आता सुरू करण्यात आली आहे. यंदा मात्र याच्या नियमांमध्ये बदल करण्यात आले आहेत.

संपुर्ण खर्च उचलावा लागणार

पूर्वी शेतकऱ्यांना केवळ ५० टक्‍केच रक्कम भरावी लागत होती. पण आता या परदेश दौऱ्यासाठी शेतकऱ्यालाच संपुर्ण खर्च उचलावा लागणार आहे. तर दौरा करून परतल्यावर त्यांना ती रक्कम परत केली जाणार आहे. याच पहिल्या अटीमुळे शेतकऱ्यांच्या प्रतिसाद मिळेल का अशी शाशंकता व्यक्‍त केली जात आहे

कोणत्या देशात होणार दौरे?

जर्मनी, फॉन्स, स्पेन, स्वित्झर्लंड, ऑस्ट्रिया, न्यूझीलंड, नेदरलँड, व्हिएतनाम, मलेशिया, थायलंड, पेरू, ब्राझील, चिली, ऑस्ट्रेलिया, सिंगापूर या संभावित देशाची अभ्यास दौऱ्याकरिता निवड करण्यात आली आहे.

...असे आहेत निकष

- लाभार्थी हा शेतकरी असावा.

- त्याचे नावे सातबारा, आठ- अ असावा.

- शेतकरी कुटुंबातील एकाच व्यक्‍तीला लाभ मिळेल.

- शेतकरी किमान बारावी पास हवा.

...असे आहेत निकष

- २५ ते ६० वर्षे या दरम्यान वय हवे.

- शेतकऱ्यांना १०० टक्‍के प्रवास खर्चाचा हिस्सा प्रवासी कंपनीकडे आगाऊ भरावा लागेल व त्याचा पुरावा कृषी विभागाला सादर करावा लागेल.

- अभ्यास दौऱ्यानंतर ५० टक्‍के शासकीय अनुदान थेट बॅंक खात्यात जमा केले जाईल.

- ५० टक्‍के अनुदान केवळ एक लाख रुपयाच्या पटीत राहणार आहे.