Land Record Office Agrowon
ॲग्रो विशेष

Land Record Office : भूमी अभिलेख कार्यालये येणार एकाच छताखाली

Land Record Department : भूमी अभिलेख विभाग कात टाकत आहे. राज्याच्या भूमी अभिलेख विभागाच्या मुख्यालयाची इमारत पुण्यातील येरवडा येथे साकारत असून, ती दोन वर्षांत पूर्ण होणार आहे.

संदीप नवले : अॅग्रोवन वृत्तसेवा

Pune News : भूमी अभिलेख विभाग कात टाकत आहे. राज्याच्या भूमी अभिलेख विभागाच्या मुख्यालयाची इमारत पुण्यातील येरवडा येथे साकारत असून, ती दोन वर्षांत पूर्ण होणार आहे. अत्याधुनिक पद्धतीच्या या सहा मजली इमारतीत भूमी अभिलेखची विविध कार्यालये एकाच ठिकाणी असणार आहेत. त्याच्या कामाला नुकतीच सुरुवात झाली असून, लवकरच स्थलांतर होण्याची शक्यता आहे.

भूमी अभिलेख विभागाचे राज्याचे कार्यालय सध्या शहरातील मध्यवर्ती इमारतीतील विविध मजल्यांवर आहे. त्यामुळे राज्याच्या विविध भागांतून अभिलेखासंबंधीच्या कामांसाठी येणाऱ्या नागरिकांना मनस्तापाला सामोरे जावे लागते. नागरिकांची ही गैरसोय टाळण्यासाठीच येरवडा येथे नवीन इमारत उभारण्याचा निर्णय या विभागाने घेतला.

या नियोजित इमारतीत जमाबंदी आयुक्त, विभागीय आयुक्त कार्यालय, जिल्हा भूमी अभिलेख आदी विविध कार्यालयांचा समावेश असणार आहे. यामुळे एका कार्यालयातून दुसऱ्या कार्यालयात जा-ये करणे सहजशक्य होणार आहे.

येरवडा येथे अडीच एकराच्या प्रशस्त जागेत ही इमारत उभारली जात असून, तिच्या उभारणीकरिता अंदाजे ६० कोटी रुपये खर्च येणार आहे. या प्रशासकीय इमारतीत विविध नकाशे एकाच ठिकाणी उपलब्ध होतील. इतकेच नव्हे, तर इमारतीच्या भिंतींवर देखील जुन्या नकाशांची रेखाटने असणार आहेत. येथे भूमी अभिलेखासंदर्भातील विविध वस्तू, नकाशे यांचे संग्रहालयच साकारले जाणार आहे. या इमारतीलगतच जमाबंदी आयुक्तांचे निवासस्थान असणार आहे.

कार्यालयांसह जमाबंदी आयुक्तांचे निवासस्थान, दीड हजार चौरस फूट जागेत भूमी अभिलेखचे संग्रहालय, दोन ५०० आसनी ऑडिटोरियम, कॉन्फरन्स हॉल, जी.आय.एस. कंट्रोलरूम तसेच भूमापन कार्यालय, नागरी भूमापन आणि एकत्रिकरण इत्यादी तयार केले जाणार आहेत. महिला व पुरुष अधिकाऱ्यांसाठी स्वतंत्र विश्रामगृह व भूमी अभिलेख आधुनिकीकरण कक्ष उभारण्यात येणार आहेत. या ठिकाणी भूमी अभिलेख खात्याचे प्रशासकीय कामकाज चालणार आहे.
राजेंद्र गोळे, उपसंचालक, भूमी अभिलेख, पुणे

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Maharashtra Monsoon Rain: मराठवाड्यात पावसाचा जोर कमीच; पूर्व विदर्भ आणि कोकणात पुढील ४ दिवस जोरदार पावसाचा अंदाज

Agrowon Podcast: गव्हाचे भाव स्थिरावले; डाळिंब तेजीत, मुग दबावात, केळीच्या दरात वाढ, उडदाचे भाव स्थिर

ZP School Admission : बोराखेडी जिल्हा परिषद शाळेत प्रवेश ‘ॲडमिशन फुल्ल’

Tree Plantation : जैवविविधता जपण्यासाठी वृक्षारोपण गरजेचे

Farmers Welfare: बच्चू कडू यांच्या मागण्यांना सरकारचा सकारात्मक प्रतिसाद; शेतकरी,मजुरांसाठी आश्वासने

SCROLL FOR NEXT