Jalgaon News : खानदेशात पूर्वहंगामी कापूस पिकात वेचणी सुरू आहे. लागवड यंदा बऱ्यापैकी झाली आहे. परंतु पिकात या महिन्यातील पावसाने तणही वाढले आहे. आता सणासुदीसह इतर कारणांमुळे मजूरटंचाई जाणवू लागली आहे.

शेतकरी तणनाशकांचा वापर यंदा अधिक करीत होते. कारण मजूरटंचाई कायम होती. तसेच मजुरी दर कमी करावेत, प्रशासनाने यात हस्तक्षेप करावा, अशी मागणी शेतकरी करीत आहेत. शेती मजूरटंचाई, महागाई यामुळे संकटात आहे.

हमीभाव जाहीर झाले, पण तेवढे दर शेतकऱ्यांना मिळतच नाहीत. पण हमीभाव वाढले की, मजुरीचे दरही वाढवा, अशी मागणी ग्रामीण भागात सुरू होते. मजूरटंचाईतच शेतीकामे शेतकरी उरकून घेत आहेत. शेतमालाचे दर गेले दोन वर्षे अपवाद वगळता सर्वच शेतकऱ्यांना हवे तसे मिळालेच नाहीत.

कापसाला दर गेले दोन वर्षे सरासरी साडेसहा हजार रुपये प्रतिक्विंटल मिळाले. कापसाचा हमीभाव गेल्या वर्षी काही शेतकऱ्यांनाच अपवादाने मिळाला. हमीभाव वाढविण्याची कार्यवाही यंदाही झाली.

पण हमीभाव अजूनही कुठेही मिळत नसल्याची स्थिती आहे. हमीभाव शेतकऱ्यांच्या पदरात पडत नसल्याने अडचणी आहेत. अशात मजूर मजूर शेतकऱ्यांची कोंडी करीत आहेत. सध्या पूर्वहंगामी कापूस, केळी, पपई व अन्य पिकांत काढणी, वेचणी सुरू आहे. मजूरटंचाईंमुळे शेतीकामांसाठी मजूर मिळत नसल्याची स्थिती आहे.

शेतकरी लगतच्या गावातून किंवा इतर गावांमधून मजूर उपलब्ध करून घेण्याचा प्रयत्न करीत आहेत. २०० ते १८० रुपये रोज, अशी मजुरी कापूस पिकात वेचणीसाठी दिली जात आहे. मजुरी दर वाढल्याने उत्पादन खर्च वाढत आहे.