Vegetable Tomato Price : कोल्हापूर आणि कर्नाटक सीमा भागात संततधार पाऊस होत असल्याने आठवडी बाजारासह घाऊक विक्रेत्यांमध्ये पालेभाज्यांची आवक वाढली आहे. मेथी, शेपू, कांदापात, पालकचे दर मागील काही दिवसांपूर्वी वीस ते तीस रुपये पेंडी असे होते. आता मात्र याच भाज्यांचे दर दहा रुपयाला तीन आणि दोन पेंड्या असे कमी झाले आहेत.

दर कमी असूनही म्हणावा तसा मालाला उठाव नाही. त्यामुळे आजच्या आठवडा बाजारात अनेक भाजी व्यापाऱ्यांनी विक्रीसाठी आणलेल्‍या पालेभाज्या परत न नेता तेथेच टाकून जाणे पसंत केले. अनेकांनी तर खरेदीसाठी घातलेले पैसेही न निघाल्याची सल बोलून दाखविली.

फळभाज्यांचेही दर आवक्यात आले आहेत. फळांचीही आवक वाढू लागली आहे. विशेषतः ड्रॅगनफ्रुट, वॉशिंग्‍टन, तुर्की, इराणी सफरचंदासह डाळिंब, संत्री, सीताफळ, तोतापुरीची आवक वाढली आहे. दरही तेजीत आहेत. एकूणच पावसाने आज आठवडा बाजारावर मोठा परिणाम केल्याचे चित्र होते.

पालेभाज्यांचे दर

कोथिंबीर १० रु. दोन पेंढ्या, मेथी १० रु. दोन पेंढ्या, कांदापात १० रु. पेंढी, पोकळा १५ रु. पेंढी, पालक १० रु. पेंढी, शेपू १० रु. पेंढी, अंबाडा १० रु. दोन पेंढ्या, चाकवत १० रु. पेंढी

फळभाज्यांचे दर (प्रतिकिलो रुपये)

कारली १००, टोमॅटो ८० ते १००, बीनीस १८०, गवार १००, काटेरी काकडी ४०, फ्लॉवर २० ते २५ रु. नग, लिंबू १० रु. ६ नग, बीट १० रु. नग, कोबी १० रु. नग, दुधी भोपळा १० ते २० रु. नग, भोपळा फोड २० रु. नग, दोडका ६० ते ८०, वांगी १००, ढबू मिरची ६० ते ८०, भेंडी ६० ते ८०, वरणा ६० ते ८०, हिरवी मिरची ८० ते १००, शेवगा शेंग १० ते २० रु. तीन नग, गाजर ६० ते ८०

फळांचे दर (प्रतिकिलो रुपये)

सफरचंद (वाशिंग्टन, इराणी) १०० ते ३००, संत्री १०० ते १५०, मोसंबी ८० ते १२०, सीताफळ ८० ते १००, तोतापूरी आंबा ३० ते ५० रु. नग, ड्रॅगन फ्रुट १४०, केळी २० ते ७० रु. डझन.

कांदा - ३५ रु. किलो, बटाटा (इंदोरी) ४० ते ५० रु. किलो, लसूण १६० ते २०० रु. किलो, टोमॅटो ८० ते १०० रु. किलो