Alephata News: पुणे-नाशिक औद्योगिक द्रुतगती महामार्ग कायमस्वरूपी रद्द करावा, रद्द झाल्याची राज्य सरकारने अधिसूचना काढावी, या आग्रही मागणीसाठी व पुढील आंदोलनाची दिशा ठरविण्यासाठी जुन्नर तालुक्यातील राजुरी येथे शेतकरी संघर्ष समितीच्या वतीने बैठक घेतली.

या वेळी शेतकरी संघर्ष समितीचे प्रमुख बाळासाहेब औटी म्हणाले, ‘‘संघर्ष समितीने अनेक आंदोलने केली. परंतु सरकारला आमचा विरोध दिसत नसल्याने तीव्र आंदोलन उभे करावे लागणार आहे.

यासाठी सर्व बाधित शेतकऱ्यांनी रस्त्यावर उतरून आपली एकजूट दाखवून देण्याची गरज आहे. सत्ताधारी पक्षाच्या लोकप्रतिनिधी, मंत्र्यांच्या दारात सविनय पद्धतीने हट्टाग्रह आंदोलन करण्याचा इशारा देण्यात आला.’’

औद्योगिक महामार्ग संघर्ष समितीच्या या बैठकीला राजुरी गावचे उपसरपंच ज्ञानेश्वर शेळके, शेतकरी संघर्ष समितीचे सहप्रमुख वल्लभ शेळके, समितीचे समन्वयक एम. डी. घंगाळे, मोहन नाईकवाडी, गोविंद हाडवळे, प्रतीक जावळे, दिलीप जाधव, अविनाश हाडवळे, खेड, जुन्नर, आंबेगाव, शिरूर तालुक्यांतील शेतकरी समितीचे सदस्य उपस्थित होते.