Washim News : केनवड या भागात मंगळवारी (ता. २३) आणि बुधवारी (ता. २४) आलेल्या वादळामुळे केनवड व कळमगव्हाण परिसरातील शेतकऱ्यांच्या शेतातील सौर पॅनेलचे नुकसान झाले. नुकसानाची भरपाई देण्याची मागणी शेतकऱ्यांमधून होत आहे.

मंगळवारी आणि बुधवारी रिसोड तालुक्यात वादळवाऱ्याने थैमान घातले. अचानक आलेल्या वादळी वाऱ्यामुळे झाडांची पडझड होऊन काही शेतकऱ्यांच्या शेतातील मालमत्तांनाही हानी पोहोचली.

यामध्ये केनवड येथील शेतकरी कमल सुधीर गोळे, रवींद्र साहेबराव गोळे, कमल श्यामराव केनवडकर, नंदकिशोर वानखेडे, नंदा विजय गोळे आणि कळमगव्हाण मधील पुरुषोत्तम नारायण जाधव, विद्याधर भास्कर पांडे, विजय भाऊराव शिंदे,

एकनाथ लक्ष्मण अंभोरे यांच्या विहिरीवर लावलेल्या सौर ऊर्जा पॅनेलचे नुकसान झाले. केनवड आणि कळमगव्हाण येथील शेतकऱ्यांचे मोठे नुकसान झाले आहे. सरपंच-उपसरपंच, सदस्यांसह प्रशासनाने या नुकसानीची पाहणी करून भरपाई द्यावी, अशी मागणी शेतकऱ्यांनी केली.