Nanded News : नांदेड जिल्ह्यात गेल्या २४ तासांमध्ये सरासरी ३९.७० मिलिमीटर पावसाची नोंद झाली. यामुळे जिल्ह्यातील १७ महसूल मंडलांमध्ये ६५ मिमीपेक्षा अधिक पावसाची नोंद झाली. काही भागांत ८८.२५ मिमीपर्यंत अतिवृष्टी झाली आहे.

जिल्ह्यात एकूण ९३ महसूल मंडलांपैकी ही १७ मंडले अतिवृष्टीग्रस्त ठरली आहेत. सर्वाधिक पावसाची नोंद मुधखेड तालुक्यातील मुधखेड व मुगट या मंडळांमध्ये प्रत्येकी ८८.२५ मिमी झाली. त्याचप्रमाणे लिंबगाव (८४.२५ मिमी), बारड (८१.५० मिमी), तुप्पा, वसरणी, तरोडा, वजेगाव, नांदेड ग्रामीण व कापसी या मंडळांमध्येही ८१.२५ मिमी पावसाची नोंद झाली आहे.

पिकांचे नुकसान होण्याची शक्यता...

या अतिवृष्टीमुळे काही भागात शेती पिकांचे नुकसान होण्याची शक्यता आहे. प्रशासनाने संबंधित विभागांना सतर्क राहण्याच्या सूचना दिल्या आहेत. आपत्ती व्यवस्थापन यंत्रणा सज्ज ठेवण्यात आली आहे. पावसाच्या पुढील स्थितीवर प्रशासन बारकाईने लक्ष ठेवून आहे.

अतिवृष्टी झालेली महसूल मंडले (मिलिमीटर)

नांदेड शहर ७७.२५, नांदेड ग्रामीण ७९.५०, तुप्पा ८१.२५, वसरणी ८१.२५, विष्णुपुरी ७९.५०, लिंबगाव ८४.२५, तरोडा ८८.००, वाजेगाव ८१.२५, नाळेश्वर ८२.००, कापसी ८१.२५, भोकर ६६.७५, मोंघाळी ६६.५०, मुदखेड ८८.२५, मुगट ८८.२५, बारड ८१.५०, दाभड ७९.५०, मालेगाव ७३.२५.