Akola News : अकोला जिल्ह्यातील जास्तीत जास्त शेतकऱ्यांनी ‘मॅग्नेट’ प्रकल्पातील उपक्रमांमध्ये सहभागी व्हावे, असे आवाहन प्रकल्पाचे उपसंचालक दिनेश डागा (अमरावती) यांनी केले.

सहकार व पणन विभागातंर्गत आशियायी विकास बँक अर्थसहाय्यित ‘महाराष्ट्र ॲग्री बिझनेस नेटवर्क (मॅग्नेट) प्रकल्पां’तर्गत महाराष्ट्र सहकार विकास महामंडळ पुणे व अकोला कृषी विभागाच्या संयुक्त विद्यमाने ‘केळी- उत्तम कृषी पद्धती प्रशिक्षण’ वर्गाचे आयोजन पणज (ता. अकोट) येथे करण्यात आले होते.

कार्यक्रमाप्रसंगी व्यासपीठावर माजी संचालक डॉ. एच. पी.सिंग (दिल्ली), श्री. डागा, मनुष्यबळ विकास तथा वरिष्ठ प्रशिक्षण अधिकारी हेमंत जगताप (महाराष्ट्र सहकार विकास महामंडळ, साखर संकुल, पुणे), जैन इरिगेशनचे डॉ. के बी. पाटील, तालुका कृषी अधिकारी सुशांत शिंदे, कृभकोचे विभागीय व्यवस्थापक जितेंद्र भामरे,

‘पंदेकृवि’चे सहायक प्रा. डॉ. नरेंद्र रामटेके, डॉ. गजानन पाचघरे, श्रीमती मयुरी मिसाळ, निखिल धानोरकर आदींची प्रमुख उपस्थिती होती. लिंग समानता व सामाजिक समावेषण याविषयी श्रीमती मिसाळ यांनी माहिती दिली. हेमंत जगताप यांनी सूत्रसंचालन करीत आभार मानले.