Pune News : राज्यातील फळे आणि भाजीपाल्याच्या प्रक्रिया, मूल्यवर्धन आणि निर्यातीसाठीच्या ‘मॅग्नेट’ प्रकल्पांतर्गत ५४ प्रकल्पांना मंजुरी देण्यात आली असून, या प्रकल्पांसाठी १४१ कोटी २४ लाख रुपयांचे अनुदान मंजूर आहे. तर ४२ कोटी २१ लाख रुपयांचे अनुदान वितरित करण्यात आले आहे. तर १४७ प्रस्ताव मंजुरीसाठी दाखल असल्याची माहिती ‘मॅग्नेट’चे प्रकल्प संचालक विनायक कोकरे यांनी दिली.
या प्रकल्पाबाबत माहिती देताना कोकरे म्हणाले, की राज्यातील कृषी हवामान विभागानुसार १२ फळपिके आणि फुलांच्या मूल्यवर्धन आणि प्रक्रियेसाठी जागतिक बँकेच्या अर्थसाह्यातून महाराष्ट्र ॲग्री बिझनेस नेटवर्क (मॅग्नेट) प्रकल्प राबविण्यात येत आहे.
या प्रकल्पासाठी ३७९ कोटी रुपयांचा निधी मंजूर असून, यापैकी १४१ कोटी २४ लाख रुपये निधी ५४ प्रकल्पांसाठी मंजूर झाले आहेत. यापैकी ४२ कोटी रुपयांचे अनुदान वितरित करण्यात आले आहे. ५४ प्रकल्पांपैकी १ प्रकल्प पूर्ण क्षमतेने कार्यान्वित असून, ११ प्रकल्प अंतिम टप्प्यात आहेत. तर ४२ प्रकल्पांचे काम प्रगतिपथावर आहेत.
१४७ प्रस्ताव मंजुरीसाठी प्राप्त
डाळिंब - २०, केळी -१३, संत्रा ५, पेरू १६, सीताफळ १५, मोसंबी १०, चिकू ९, स्ट्रॉबेरी ४, भेंडी १७, मिरची २९, आंबा ३, लिंबू २ फुले -३.
२०२४-२५ साठी ९० कोटींचा निधी मंजूर
२०२४-२५ या वर्षासाठी २६० कोटी रुपयांची अर्थसंकल्पीय तरतूद असून, यापैकी ९० कोटी रुपयांचा निधी प्राप्त झाल्याचे उपप्रकल्प संचालक डॉ. अमोल यादव यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.