Urea Shortage Agrowon
ॲग्रो विशेष

Urea Shortage : युरिया खरेदीसाठी शेतकऱ्यांच्या रांगा

Fertilizer : बारामती तालुक्याच्या जिरायती भागात यंदा खरीप हंगामासाठी योग्य पर्जन्यमान झाले आहे. त्यामुळे शेतकऱ्यांनी बाजरीची पेरणी केली आहे.

Team Agrowon

Baramati News : सुपे येथील खरेदी-विक्री संघाच्या दुकानांसह खासगी दुकानांत युरिया आल्याचे समजताच परिसरातील शेतकऱ्यांनी युरिया खरेदीसाठी दुकानासमोर रांगा लावल्या. मात्र युरिया संपल्यानंतर काही शेतकरी युरियाच्या प्रतिक्षेत राहिले.

बारामती तालुक्याच्या जिरायती भागात यंदा खरीप हंगामासाठी योग्य पर्जन्यमान झाले आहे. त्यामुळे शेतकऱ्यांनी बाजरीची पेरणी केली आहे. सध्या शेतकरी बाजरी व मका पिकाला युरियाची मात्रा देत आहेत. त्यामुळे युरियाची मागणी वाढली आहे.

दोन दिवसांपूर्वी बारामतीसह सुपे व उंडवडी येथे युरिया मिळत नव्हता. त्यामुळे सुपे येथील शेतकऱ्यांनी तालुका कृषी विभागाकडे तक्रारी केल्या. त्यानंतर तत्काळ तालुका कृषी अधिकारी सुप्रिया बांदल यांनी सुपे येथील दुकानांची तपासणी करून पंचनामा केला. याचा अहवाल अधिक्षक जिल्हा कृषी अधिकारी कार्यालयाकडे पाठविला. त्यामुळे युरियाची कृत्रिम टंचाई करणाऱ्या खत विक्रेत्यांचे धाबे दणाणले आहेत.

कृषी विभागाच्या वतीने बारामती तालुक्यासाठी युरियाची अधिकची मागणी करण्यात आली. त्यानुसार ७०० टन युरियाची उपलब्धता होणार आहे. सुपे येथील खरेदी-विक्री संघासह येथील दोन दुकानांत शुक्रवारी युरियाची विक्री सुरू होती. हे समजताच शेतकऱ्यांनी युरिया खरेदीसाठी सकाळपासून रांगा लावल्या.

बांदल म्हणाल्या, ‘‘कृषी सहाय्यकांना संबंधित गावात खत विक्रेत्यांवर लक्ष ठेवण्यासाठी नेमून दिले आहे. जिल्ह्यात ३ हजार टन युरिया उपलब्ध होणार आहे. यापैकी बारामती तालुक्याला ७०० टन युरिया मिळेल. त्यामुळे टंचाई जाणवणार नाही. विक्रीबाबत काही गैरप्रकार झाल्यास तत्काळ कळवावे.’’

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Pomegranate Farming: डाळिंबाचा रंग, आकार, दर्जा उत्तम राखण्यावर भर

Dhananjay Munde: कृषी खात्यात आणखी एक मोठा घोटाळा? धनंजय मुंडे यांच्यावर १६९ कोटींच्या घोटाळ्याचा आरोप

Dharashiv Logistics Park: सरकारने प्रस्ताव दिल्यास कौडगावला लॉजिस्टिक पार्क

Maize Weed Management: मक्यातील वाढत्या तणाचा करा सोप्या पद्धतीने बंदोबस्त!

Agrowon Podcast: सिताफळाला चांगला दर; फ्लॉवरला उठाव; भेंडीची आवक घटली, कारली दरावर स्थिरता, मका कणीस तेजीत!

SCROLL FOR NEXT