Water Management: वाकुर्डे बुद्रुक (ता. शिराळा) येथील करमजाई तलावातून वाकुर्डे उपसा सिंचन योजनेचे पाणी आवर्तनासाठी सोडण्यास येथील कालवा गळतीग्रस्त शेतकऱ्यांनी विरोध केला आहे. त्यामुळे पुढील गावांना पाणी सोडण्यात अडथळा निर्माण झाला आहे. दरम्यान, करमजाई तलाव पूर्ण भरल्याने सांडव्यावरून पाणी मोरणा धरणात सोडण्यात आले आहे. याबाबत संबंधित अधिकारी व शेतकऱ्यांमध्ये सकारात्मक चर्चा झाली असून लवकरच तोडगा निघेल, असा विश्वास प्रशासनाकडून व्यक्त करण्यात आला आहे..वाकुर्डे येथील शेतकरी पाणी सोडण्यास तयार व्हावेत, यासाठी जलसंपदा विभागाचे अधिकारी व कर्मचारी गेल्या तीन दिवसांपासून प्रयत्न करीत आहेत. मात्र, कालव्याची गळती दुरुस्त करण्याचे काम सुरू केल्याशिवाय किंवा त्याबाबत लेखी आश्वासन दिल्याशिवाय पाणी सोडू देणार नाही, या भूमिकेवर स्थानिक शेतकरी ठाम आहेत. .Farmers Demands: नवीन कृषिपंप ग्राहकांना सौर सक्तीची अट रद्द करा.या कालव्याच्या पाण्यावर निगडी, पाडळी, औंढी, खेड, रेड, बेलदारवाडी, कापरी, कार्वे, ढगेवाडी, ऐतवडे बुद्रुक, रेठरे धरण, ओझर्डे, सुरूल, मरळनाथपूर, धुमाळवाडी, वाघवाडी व शिवपुरी आदी गावांचा सिंचनासाठी मोठ्या प्रमाणावर अवलंब आहे. मात्र वाकुर्डे येथील शेतकऱ्यांनी विरोध केल्याने शिराळा व वाळवा तालुक्यातील गावांना पाणी सोडण्यात विलंब होत आहे..Women Farmers Demands: महिला शेतकऱ्यांच्या विविध मागण्या .दरम्यान, वाकुर्डे येथील कालव्यातील गळतीमुळे बादेवाडी ते मानकरवाडी या परिसरातील सुमारे ५०० एकर क्षेत्र बाधित होत असल्याची तक्रार शेतकऱ्यांनी केली आहे. गेल्या पाच वर्षांपासून ही गळती दुरुस्त करण्याची मागणी शेतकरी करत आहेत. दरवर्षी गळती काढण्याचे आश्वासन प्रशासनाकडून दिले जात असले, तरी प्रत्यक्षात कोणतीही कार्यवाही होत नसल्याचा आरोप शेतकऱ्यांनी केला आहे. तेव्हा, संतप्त शेतकऱ्यांनी करमजाई तलावातून पुढे वाळवा तालुक्याकडे पाणी सोडण्यास विरोध दर्शवला असून, ‘आधी कालव्याची गळती दुरुस्त करा, मगच पाणी पुढे न्या,’ अशी ठाम भूमिका त्यांनी घेतली आहे.संपादित जमिनीचा मोबदला मिळावा, २०१७ ते आजअखेर कालवा गळतीमुळे झालेल्या पीक नुकसानीची भरपाई मिळावी. कालवा गळतीस कारणीभूत असणाऱ्या ‘शिवशक्ती कन्स्ट्रक्शन’ च्या ठेकेदारावर व तत्कालीन संबंधित शासकीय अधिकाऱ्यावर कारवाई करावी. कालव्याची तत्काळ गळती काढून २४ तास पाणी नेण्यास आमची हरकत नाही. प्रत्येक वर्षी फक्त आश्वासन देतात. काम करत नाहीत. त्यामुळे आमचा या आवर्तनास विरोध आहे.- वसंत शेटके, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
