Illegal Grain Procurement Agrowon
ॲग्रो विशेष

Grain Procurement : किमान आधारभूत दराने धान्य खरेदीस ३१ डिसेंबरपर्यंत मुदतवाढ

MSP Procurement Scheme : शेतकऱ्यांना हमीभावापेक्षा कमी किमतीने (डिस्ट्रेस सेल) धान्य विकावे लागू नये, याकरिता ही योजना राबविण्यात येते.

Team Agrowon

Pune News : केंद्र शासनाच्या किमान आधारभूत किंमत खरेदी योजनेअंतर्गत धान, रागी ही भरडधान्य खरेदी करण्यास ३१ डिसेंबरपर्यंत मुदतवाढ देण्यात आली आहे, अशी माहिती महाराष्ट्र राज्य आदिवासी विकास महामंडळ नाशिकच्या जुन्नर प्रादेशिक कार्यालयाने दिली आहे.

शेतकऱ्यांना हमीभावापेक्षा कमी किमतीने (डिस्ट्रेस सेल) धान्य विकावे लागू नये, याकरिता ही योजना राबविण्यात येते. राज्य शासनाने आदिवासी उपाययोजना क्षेत्रात महाराष्ट्र राज्य सहकारी आदिवासी विकास महामंडळाची मुख्य अभिकर्ता म्हणून नियुक्ती केलेली आहे.

या योजनेअंतर्गत राज्यात ‘वाजवी सरासरी गुणवत्ता’, अर्थात ‘एफएक्यू’ दर्जाचे धान व भरडधान्याची खरेदी करण्यात येते. राज्यातील शेतकऱ्यांना किमान आधारभूत किमतीचा लाभ मिळावा हा शासनाचा हेतू आहे.

हंगाम २०२३-२०२४ मध्ये धान ‘अ’चे प्रतिक्विंटल खरेदीदर २ हजार २०३ रुपये, धान साधारण- २ हजार १८३ रुपये, तर रागीचे खरेदीदर ३ हजार ८४६ रुपये लागू करण्यात आलेले आहे.

जिल्ह्यात जुन्नर तालुक्यातील पारगावतर्फे मढ व खेड तालुक्यांतील डेहणे येथे महामंडळाची खरेदी केंद्रे सुरू करण्यात आली आहेत. येथे धान, भरडधान्य खरेदीच्या अनुषंगाने शेतकऱ्यांना नोंदणीसाठी ३१ डिसेंबरपर्यंत मुदतवाढ देण्यात आली आहे.

खरेदी केंद्रावर शासनाच्या ‘एनईएमएल’ पोर्टलवर शेतकरी नोंदणी सुरू आहे. नोंदणीसाठी ७/१२ व ८ अ चा उतारा, चालू हंगामातील पीकपेराची नोंदणी, बँक पासबुक व आधार कार्डच्या छायांकित प्रतीची आवश्यकता आहे.

शेतकऱ्यांनी या योजनेचा लाभ घेण्यासाठी खरेदी केंद्रावर वा कार्यालयात येऊन नोंदणी करावी, असे आवाहन महामंडळाच्या जुन्नर येथील प्रादेशिक कार्यालयाचे प्रादेशिक व्यवस्थापक रा. भ. पाटील यांनी केले आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT