अॅग्रोवन वृत्तसेवा
Drone Didi Scheme : पुणे : केंद्र सरकारच्या ‘विकसित भारत’ योजनेतून ‘ड्रोन दिदी’ ही योजना सुरू केली आहे. या योजनेतून चंबळ फर्टिलायझर अँड केमिकल्स या कंपनीचे विपणन विभागाचे उपव्यवस्थापक समाधान काळे यांच्या हस्ते ड्रोन फवारणी यंत्र खेडमधील वेताळे येथील सुवर्णा बोंबले यांना वितरित करण्यात आले.

खेड तालुक्यातील भामा भीमा फार्मर प्रोड्यूसर कंपनीच्या महिला बचत गटातील सुवर्णा संतोष बोंबले पाटील यांना चंबळ फर्टिलायझर अँड केमिकल्स लिमिटेडकडून ड्रोन फवारणी यंत्राचे ग्वाल्हेर, मध्य प्रदेश येथे दहा दिवसीय प्रशिक्षण देण्यात आले होते. या ड्रोन फवारणी यंत्रामुळे कमी वेळेमध्ये जास्त क्षेत्रावर फवारणी करण्यात येणार असून वेळेची बचत, औषधाची बचत व अचूक फवारणी देखील होणार आहे.  

ड्रोन फवारणी यंत्राच्या वितरणप्रसंगी भामा भीमा फार्मर प्रोड्यूसर कंपनीचे चेअरमन अनिल कदम, संचालक संतोष बोंबले पाटील व सीईओ अतुल डेरे व बचत गटातील महिला उपस्थित होत्या.