Maharashtra Agriculture : नाशिक चांदवड तालुक्यात दुष्काळसदृश परिस्थिती असतानाही ‘ट्रिगर-१’मध्ये चांदवडचा समावेश न झाल्याने शेतकऱ्यांचा संताप उफाळून आला. पर्जन्यमानाच्या कागदी आकडेवारीवर निर्णय घेण्याऐवजी बांधावरची वस्तुस्थिती तपासा, अशी मागणी सर्वपक्षीय नेते व शेतकऱ्यांनी केली. चांदवड कृषी उत्पन्न बाजार समितीचे माजी सभापती डॉ. आत्माराम कुंभार्डे यांच्यासह तालुक्यातील नेते, सर्वपक्षीय पदाधिकारी आणि शेतकऱ्यांनी सोमवारी (ता. २८) तहसील कार्यालयावर मोर्चा काढून आंदोलन केले. यावेळी शेतकऱ्यांनी वाळलेली पिके व वाढलेली कांदा रोपे हातात घेऊन प्रशासनाचा निषेध नोंदविला..आंदोलनानंतर तहसीलदार अनिल चव्हाण यांना निवेदन देण्यात आले. यंदा पावसातील दीर्घ खंडामुळे सोयाबीन, मका यांसह खरीप पिकांची अवस्था गंभीर झाली आहे. सोयाबीनला शेंगा लागल्या असल्या तरी अनेक ठिकाणी दाणे भरलेले नाहीत. त्यामुळे पिकांच्या उत्पादनात ५० ते ६० टक्क्यांपर्यंत घट होण्याची शक्यता निवेदनात व्यक्त करण्यात आली आहे..Premature Crop Cutting Experiment: मुदतीआधी पीक कापणी प्रयोग .चांदवडच्या आगाप कांदा पट्ट्यालाही पावसाच्या तुटवड्याचा मोठा फटका बसला आहे. त्यामुळे दुष्काळाचे परिणाम केवळ खरीप पिकांपुरते मर्यादित नसल्याचे शेतकऱ्यांनी प्रशासनाच्या निदर्शनास आणून दिले. कागदावरील आकडेवारीपुरता निर्णय न घेता बांधावरची वस्तुस्थिती आणि पिकांची अवस्था पाहून शासनाने तातडीने निर्णय घेऊन शेतकऱ्यांना दिलासा द्यावा, अशी मागणी करण्यात आली..Farmer Relief Decision: दुष्काळी परिस्थितीच्या आढाव्यानंतर मदत देणार: महसूलमंत्री चंद्रशेखर बावनकुळे.आंदोलनात बाजार समितीचे सभापती नितीन आहेर, माजी सभापती संजय जाधव, शिवसेना (उबाठा) तालुकाप्रमुख विलास आहेर, नितीन थोरे, चंद्रकांत ठोके, ॲड. विनायक घुले, अन्वर पठाण, ॲड. नवनाथ आहेर, विजय जाधव, प्रकाश शेळके, ॲड. भरत ठाकरे, पुंडलिक गुंजाळ, श्रीहरी ठाकरे, रावसाहेब गांगुर्डे, विजय कुंभारडे, रवी ठाकरे, राजेंद्र ठाकरे यांच्यासह काँग्रेस, शिवसेना (उबाठा), राष्ट्रवादी काँग्रेस (शरदचंद्र पवार), मनसे, निर्भय महाराष्ट्र पार्टी यांसह सर्वपक्षीय कार्यकर्ते व शेतकरी मोठ्या संख्येने उपस्थित होते..‘आकडे नव्हे, बांधावरची स्थिती पाहा’देवळा, मालेगाव, नांदगाव व येवला हे शेजारील तालुके दुष्काळसदृश यादीत असताना समान भौगोलिक परिस्थिती असलेल्या चांदवडला वगळणे अन्यायकारक असल्याचा आरोप आंदोलनकर्त्यांनी केला..प्रमुख मागण्यापिकांचे ५० ते ६० टक्के नुकसान झाल्याने आणेवारी ५० टक्क्यांखाली लावावी.चांदवडचा गंभीर दुष्काळग्रस्त तालुक्यात समावेश करावा.‘ट्रिगर-१’मधून वगळण्याच्या निर्णयाची फेरतपासणी करावी.कृषी व महसूल विभागाने संयुक्त क्षेत्रीय पाहणी करावी.फेरपडताळणीचा अहवाल तातडीने शासनास सादर करावा.पशुधन, चारा व पूरक व्यवसायांवरील परिणामाचे सर्वेक्षण करावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
