Amaravati News : तालुक्यात या महिन्यात रेशन दुकानातून शिधावाटप सुरू आहे. या शिधावाटपामध्ये रेशन दुकानातून एक्सपायरी डेट असलेल्या रव्याचे वाटप करण्यात आल्याची धक्कादायक माहिती पुढे आली आहे.

गरिबांचा, शेतमजुरांचा सण गोड व्हावा, यासाठी राज्य शासनाने अवघ्या शंभर रुपयांत आनंदाचा शिधा दिला. मात्र, गणेशोत्सवाला मिळणारा आनंदाचा शिधा दिवाळीच्या महिन्यात तालुक्याला मिळत आहे. या आनंदाच्या शिध्यामध्ये साखर, रवा, तेल, चेनाडाळीचा समावेश आहे.

यामध्ये रव्याच्या पाकीटवर उत्पादनाची तारीख २४ ऑगस्ट असून, वापरण्यायोग्यची तारीख २३ ऑक्टोबर आहे. रेशनधारक संपूर्ण महिन्यामध्ये केव्हाही आपले धान्य उचलू शकतो, त्यामुळे संबंधित रेशन दुकानदारांचे दुकान संपूर्ण महिनाभर उघडे ठेवावे लागते. असे असताना आनंदाच्या शिधामध्ये देण्यात आलेला रवा हा तालुक्यातील काही रेशन दुकानांमध्ये २३ ऑक्टोबरपर्यंत वापरण्यायोग्य असल्याचे लेबल त्या पाकीटवर आहे.

२३ नंतरसुद्धा या रवा पॅकेटचे काही रेशन दुकानातून वाटप सुरू होते, अशी चर्चा आहे. मग ते देताना संबंधित अधिकाऱ्यांनी याकडे लक्ष दिले नाही का? असाही प्रश्न या वेळी उपस्थित होत आहे.

मुदत उलटून गेल्यावर पॅकेटबंद असणारी वस्तू देणे किंवा विकणे हा कायद्याने गुन्हा आहे. असे असताना देखील शासकीय दुकानांतून मुदतबाह्य वस्तू विकल्या जात असतील तर यात दोषी कोण? असा प्रश्न निर्माण होत आहे. लाभार्थ्यांना प्रत्येक महिन्यात, त्याच रेशन दुकानदाराकडे जावे लागत असल्याने, जसा लाभ मिळाला तो तसा घेऊन जातो व तक्रारही करीत नाही,