Pune News : राज्याचे उपमुख्यमंत्री देवेंद्र फडणवीस यांनी पीक कर्ज नाकारणाऱ्या बँकावर एफआयआर दाखल करणार असल्याचा इशारा दिला आहे. मुख्यमंत्री एकनाथ शिंदे यांच्या उपस्थितीत मुंगळवारी (ता. २५) मुंबईतील सह्याद्री अतिगृहावर खरीप हंगामाच्या बैठक आयोजित करण्यात आली होती. या बैठकीनंतर फडणवीस बोलत होते.  यावेळी उपमुख्यमंत्री अजित पवार यांच्यासह कृषीमंत्री धनंजय मुंडे, दिलीप वळसे पाटील, राधाकृष्ण विखे पाटील उपस्थित होते. तसेच रिझर्व्ह बँक, नाबार्ड आणि राष्ट्रीयीकृत बँकांचे वरिष्ठ अधिकारी देखील उपस्थित होते.

फडणवीस म्हणाले, "पीक कर्जासाठी सीबीलची कारणे बँकांकडून दिले जात आहे. तर कर्ज देताना टाळाटाळ केली जात आहे. त्यामुळे आता अडवणूक किंवा टाळाटाळ केल्यास बँकांवर एफआयआर दाखल केला जाईल. एफआयआर झाल्यानंतर आमच्याकडे येऊ नका." असा इशाराही फडणवीस यांनी बँकांच्या अधिकाऱ्यांना दिला आहे.  

या बैठकीत रिझर्व्ह बँक ऑफ इंडियाचे प्रतिनिधी आणि राज्यस्तरीय बँकर्स समितीची चर्चा झाली. यावेळी सीबीलबाबत सूचना करण्यात आल्या.शेतकऱ्यांना पीक कर्ज देताना सीबीलची अट लागू करणार नसल्याचे अधिकाऱ्यांनी सांगितले. मात्र प्रत्यक्षात बँकांकडून शेतकऱ्यांना पीक कर्ज देताना सीबीलची सक्ती केली जात आहे. त्यांना पीक कर्ज नाकारले जात आहे. पण आता असे काही झाले तर थेट बँकांवर एफआरआय दाखल करू, असे फडणवीस यांनी म्हटले आहे.  

दरम्यान यापूर्वी मुख्यमंत्री एकनाथ शिंदे आणि उपमुख्यमंत्री फडणवीस यांनी यांनी देखील सीबील सक्तीबाबत बँकांना निर्देश दिले होते. मात्र आता पुन्हा सीबीलची सक्ती बँकांकडून केली जात आहे. त्यामुळे शेतकऱ्यांना कर्ज मिळत नाही.