Buldana News : गेले काही दिवस सातत्याने पाऊस झाल्याने खरीप पिकांसह फळबागांचेही नुकसान होत आहे. तालुक्यातील आवार येथे श्रीराम गावंडे यांच्या पपई बागेत प्रचंड नुकसान झाले असून, झाडे व त्यावर लागलेली फळे खराब झाली आहेत.

तालुक्यातील आवार येथील श्रीराम गावंडे यांनी यंदा पपईची लागवड केली होती. या भागात सतत पाऊस होत असल्याने बागेतील अनेक झाडे उलमळून पडली आहेत.

पारंपरिक पिकांना फाटा देत त्यांनी शासनाच्या आव्हानाला प्रतिसाद दिला व फळबाग म्हणून पपईची लागवड केली. परंतु आता हे पीक निसर्गाच्या संकटामुळे हातातून निघून गेल्याने शेतकऱ्यांपुढे संकट उभे राहले आहे.

त्यांचे जवळपास अंदाजे आठ लाख रुपयांचे नुकसान झाल्याचा प्राथमिक अंदाज आहे. दोन एकरांतील पपईचे नुकसान झाले आहे. गेल्या आठवड्याभरापासून सततचा पाऊस झाल्यामुळे हे नुकसान झाले.

तसेच खरीप पिकांसह फळबागांचेही मोठ्या प्रमाणार नुकसान होत आहे. त्यामुळे बळीराजापुढे पुन्हा संकट निर्माण झाले आहे.