Farmer Company Agrowon
ॲग्रो विशेष

Agriculture Produce : कृषिमाल विक्रीसाठी शेतकरी कंपन्यांशी करार

Farmer Company : महिलांनी उत्पादित केलेल्या शेतीमालाच्या विक्रीसाठी १५ पेक्षा जास्त शेतकरी उत्पादक कंपन्या आणि विपणन कंपन्या यांच्यात सामंजस्य करारासाठी मुंबईत कृषिमूल्य साखळी भागीदारी बैठक झाली.

सुदर्शन सुतार

Solapur News : महिलांनी उत्पादित केलेल्या शेतीमालाच्या विक्रीसाठी १५ पेक्षा जास्त शेतकरी उत्पादक कंपन्या आणि विपणन कंपन्या यांच्यात सामंजस्य करारासाठी मुंबईत कृषिमूल्य साखळी भागीदारी बैठक झाली.

त्यात बोरामणी (ता. दक्षिण सोलापूर) येथील यशस्विनी अॅग्रो प्रोड्यूसर कंपनीचा समावेश होता. या वेळी उत्पादनासंबंधी काही करार झाल्याची माहिती कंपनीच्या अध्यक्ष अनिता माळगे यांनी दिली.

मुंबईत झालेल्या या कराराप्रसंगी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि कृषिमंत्री धनंजय मुंडे यांच्यासह अनेक वरिष्ठ अधिकारी उपस्थित होते. या करारामुळे बोरामणीसह सोलापूर जिल्हा आणि राज्याच्या विविध भागांतील तनिष्का व अन्य महिला शेतकरी आपला कृषिमाल अॅमेझॉन, फ्लिपकार्ट, बिगबास्केटसह अनेक नामवंत कंपन्यांना थेट विकू शकतील.

भरड धान्यांचे पदार्थ अंगणवाडी पोषण आहारासाठी देण्याचा निर्णयही लवकरच होईल, असे आश्‍वासन मुख्यमंत्री शिंदे यांनी या वेळी दिले. महाराष्ट्र इन्स्टिट्यूट ऑफ ट्रान्स्फॉर्मेशन- ‘मित्रा’ संस्था, कृषी विभाग, बाळासाहेब ठाकरे कृषी व्यवसाय व ग्रामीण परिवर्तन (स्मार्ट) प्रकल्प आणि ग्राम सामाजिक परिवर्तन फाउंडेशन (व्हीएसटीएफ) यांच्या वतीने ही घेण्यात आली. या वेळी सोलापूर ‘आत्मा’चे प्रकल्प संचालक मदन मुकणे, जिल्हा अधीक्षक कृषी अधिकारी दत्तात्रेय गवसाने हेही उपस्थित होते.

या बैठकीत मका, बाजरी, कापूस, कडधान्ये, सोयाबीन, फळे, भाजीपाला आदी शेतकरी व उत्पादकांच्या ५९ कंपन्या सहभागी झाल्या होत्या. त्यात यशस्विनी अॅग्रो प्रोड्यूसर कंपनीसह भूसेवा अॅग्रो कंपनीचे सचिन थिटे, खंडोबा अॅग्रोचे परमेश्‍वर कुंभार, ‘व्हीएसटीएफ’च्या आरती महाजन, मूल्यसाखळी तज्ज्ञ कुलदीप जाधव, सचिन शिंदे, अविनाश भोसले, योगेश माळगे यांचा समावेश होता.

शेतीचे क्षेत्र सबसिडीतून, नुकसान भरपाईतून बाहेर काढण्यासाठी विविध उपाययोजनांबरोबरच शेती क्षेत्रात मोठी गुंतवणूक करण्याचा निर्णय घेण्यात आला. ज्वारीपासून बनविण्यात आलेल्या बिस्किटांची मंत्रालयात थेट विक्री करण्याबाबतची ऑर्डर संस्थेला मिळाली.
- अनिता माळगे, अध्यक्षा, यशस्विनी फार्मर प्रोड्यूसर कंपनी, बोरामणी

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Cabinet Meeting : राज्य मंत्रिमंडळ बैठकीत ७ निर्णय; परिवहनची अतिरिक्त जमीन व्यापारी तत्वावर वापरास मंजुरी

Lumpy Skin : जाफराबादेत २१ जनावरांना ‘लम्पी’ची बाधा

Agriculture Solar Pump : पैसे भरूनही सौरपंप मिळेना

Jayakwadi Dam : ‘जायकवाडी’तून गोदावरी पात्रात विसर्ग थांबविला

Krishi Seva Kendra : आठ कृषी सेवा केंद्रांचे परवाने निलंबित

SCROLL FOR NEXT