Jalna News: अंबड तालुक्यातील मोसंबी बागांमध्ये फळगळ मोठ्या प्रमाणात वाढत चालल्याने मोसंबी उत्पादक शेतकरी पुरता हतबल झाले आहेत.मोसंबी फळबागा शेतकऱ्यांनी सततचा दुष्काळ, रोगराई, नैसर्गिक आपत्ती, पाणीटंचाईसह आदींचा सामना करत मोसंबी फळबाग जगविल्या आहेत. मोसंबी फळबागाची मेहनत करत मोसंबी फळबागेत टाचणी, खताची मात्रा, कीटकनाशक फवारणी, पाण्याची मात्रा देऊन फळबागा फोडल्या.

मोसंबी झाडाला आता लिंबू, पेरूच्या आकारात फळ लगडली आहे. मात्र फळबागेत दिवसरात्र फळांची गळ सुरू आहे. यामुळे मोसंबी उत्पादक शेतकरी पुरता हतबल झाला आहे. अंबड तालुक्यातील ताडहादगाव, खडकेश्‍वर, पांगरखेडा, झिरपी, कवडगाव, डावरगाव, पावसेपांगरी, सोनकपिंपळगाव, चिंचखेड, जामखेड, रोहिलागड, आलमगाव, लोणारभायगाव, खेडगाव, चिकनगाव, कर्जत, हस्तपोखरी, मार्डी, पारनेर, लालवाडी,

भालगाव, भाटखेडा, शेवगा, धनगरपिंपरी, मठपिंपळगाव, सारंगपूर, दहिपुरी, दुधपुरी, हारतखेडा, काटखेडा, वाघलखेडासह आदी ठिकाणी मोसंबी बागा आहेत. सध्या वाढते तापमान यामुळे फळबागेत गुंडी गळण्याचे प्रमाण वाढत चालली आहे. मोसंबी फळबागांना पाणा देताना खोडाजवळ पाणी साचणार नाही.

याची काळजी घ्यावी. पावसाळ्यात वाफे मोडून शेतातील पाणी बाहेर काढायला हवे. गळलेली फळे बागेच्या बाहेर खड्ड्यात गाडावीत. कीटकनाशक फवारणी करावी. आदी उपाययोजना कृषी विभागाचे शास्त्रज्ञ, अधिकारी यांच्या मार्गदर्शनाने घेण्याचे आवाहन कृषी विभागातर्फे करण्यात आले आहे.