कनक सागज, ता.वैजापूर ः दहेगाव येथील दादासाहेब पाटील कृषी महाविद्यालयातील कृषिदूतांनी हरित क्रांतीचे प्रणेते माजी मुख्‍यमंत्री स्‍व.वसंतराव नाईक (Vasantrao Naik Birth Anniversary) यांच्या जयंतीनिमित शुक्रवार (ता.१) रोजी कनक सागज येथे वृक्ष लागवड (Tree Plantation) व कृषी विषयक जागरूकता (Agriculture Awareness Programme) कार्यक्रमांचे आयोजन करण्यात आले होते.

यावेळी गावातील जिल्हा परिषद प्राथमिक शाळा आणि स्व.किसनाबाई बन्सीलालजी संचेती माध्यमिक विद्यालयाच्या परिसरात वृक्षारोपण करण्यात आले.

यावेळी गाव परिसरात कृषिदूतांनी वृक्ष दिंडी काढली. तसेच, कडुनिंब, अशोक, चिंच, जांभूळ, पिंपळ, वड इत्यादी वृक्षांचे रोपण केले. या उपक्रमासाठी प्राचार्य डॉ.एस.एस.बैनाडे, डॉ.बी.एम.जोशी, ए.आर.पगार, एस.बी. बडे यांचे मार्गदर्शन लाभले. यावेळी कृषिदूत शुभम डोळेवर, मयूर गायकवाड, सुदाम डोरणालपल्ले, विकास घायट, दीपक गायकवाड, राहुल ढवळे, अतुल गायकवाड, हर्षा गिलाबत्तानी, गणेश घुगे उपस्थित होते.