Sindhudurg News : काजू बी अनुदान वितरित करण्याची प्रकिया सुरू झाली असली, तरी ज्या काजू उत्पादकांनी अनुदानाकरिता अर्ज केलेले नाहीत त्यांनी अर्ज करावेत त्यांना देखील अनुदान दिले जाईल, असे आश्‍वासन मंत्री जयकुमार रावल यांनी काजू बागायतदारांना दिले.

मंत्री श्री. रावल यांची सिंधुदुर्ग जिल्हा फळबागायतदार संघाच्या पदाधिकाऱ्यांनी भेट जिल्हा बँकेचे सभागृहात भेट घेतली. या वेळी जिल्हाध्यक्ष विलास सावंत, संजय देसाई, आकाश नरसुले, राजू पवार, राकेश धर्णे, अशोक सावंत, विलास ठाकूर, शिवराम आसोलकर, नितीन मावळणकर आदी उपस्थित होते.

मंत्री श्री. रावल यांच्याकडे काजू उत्पादकांनी काजू पिकाबद्दलच्या विविध समस्या मांडल्या. अनेक विषयावर त्यांनी काजू उत्पादकांशी चर्चा केली. यावेळी काजू उत्पादकांनी अनेक काजू उत्पादक काजू बी अनुदानापासून वंचित राहिलेले आहेत.

काहींनी मुदतीत अर्ज दाखल केले नाहीत त्यामुळे ते वंचित राहिलेले आहेत. या वेळी मंत्री श्री. रावल यांनी ज्या शेतकऱ्यांना अर्ज केलेले नाहीत त्यांनी नव्याने अर्ज करावेत. त्यांना अनुदान देण्यात येईल अशी घोषणा केली. त्यामुळे वचिंत राहिलेल्या शेतकऱ्यांना दिलासा मिळणार आहे.